khmer eng
  • ក្រុមសមាជិកាព្រឹទ្ធសភា អញ្ជើញចូលរួមពិធីកាន់បិណ្ឌវេនទី១០ នៅវត្តព្រែកប្រាំង
     
    ចែករំលែក ៖

    នាព្រឹកថ្ងៃទី២០ ខែកញ្ញា ឆ្នាំ២០២២ លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការទី៥ព្រឹទ្ធសភា លោកជំទាវ មាន សំអាន ប្រធានក្រុមសមាជិកាព្រឹទ្ធសភា និងជាប្រធានគណៈកម្មការទី៨ព្រឹទ្ធសភា បានអញ្ជើញដឹកនាំក្រុមសមាជិកាព្រឹទ្ធសភា ព្រមទាំងមន្ត្រីរាជការនៃអគ្គលេខាធិការដ្ឋានព្រឹទ្ធសភា ចូលរួមពិធីបុណ្យកាន់បិណ្ឌវេនទី១០ នៅវត្តព្រែកប្រាំង ស្ថិតក្នុងឃុំកំពង់ហ្លួង ស្រុកពញាឮ ខេត្តកណ្តាល។
    ក្នុងឱកាសនោះ ក្រុមសមាជិកាព្រឹទ្ធសភា ព្រមទាំងមន្ត្រីរាជការនៃអគ្គលេខាធិការដ្ឋានព្រឹទ្ធសភា បានធ្វើបទមស្សកា បង្សុកូល រាប់បាត្រ ព្រមទាំងវេរទេយ្យទាន និងទេយ្យវត្ថុប្រគេនព្រះសង្ឃ ដើម្បីឧទ្ទិសកុសលផលបុណ្យ ដែលបានកើតពីសទ្ធាជ្រះថ្លាទាំងនេះ ជូនចំពោះញាតិការទាំងប្រាំពីរសន្តាន ឥស្សរជន និងយុទ្ធជន ដែលបានពលីជីវិត ដើម្បីជាតិមាតុភូមិ ជាពិសេសដល់ដួងវិញាណក្ខន្ធសម្តេចអគ្គមហាធម្មពោធិសាល ជា ស៊ីម និងលោកជំទាវ ញ៉ែម សឿន ជា ស៊ីម សម្តេច ស៊ីសុវត្ថិជីវ័នមុនីរ័ក្ស និងឯកឧត្តម នៃ ប៉េណា ដែលបានទទួលមរណកាលទៅកាន់លោកខាងមុខទៅហើយនោះ សូមឱ្យជួបប្រកបតែវិបុលសុខគ្រប់ប្រការ និងទៅកាន់សុខគតិភពកុំបីឃ្លៀងឃ្លាតឡើយ។
    ទេយ្យទាន និងទេយ្យវត្ថុដែលយកទៅប្រគេនព្រះសង្ឃ នាឱកាសនោះ រួមមាន៖ អង្ករ២បាវ ត្រីខ១កេស ទឹកដោះគោខាប់១កេស មីជាតិ២កេសធំ ត្រីងៀត៥គីឡូ ទឹកសុទ្ធ៥កេស ទឹកក្រូច៥កេស និងតែស្ករ នំខ្មែរ ផ្លែឈើ ព្រមទាំងចង្ហាន់ និងបច្ច័យមួយចំនួនធំ។
    សូមជម្រាបថា ពិធីបុណ្យកាន់បិណ្ឌ និងភ្ជុំបិណ្ឌ គឺជាបុណ្យនៃព្រះពុទ្ធសាសនាដ៏សំខាន់មួយ ដែលប្រជាពលរដ្ឋខ្មែរ ដែលជាអ្នកកាន់ព្រះពុទ្ធសាសនា តែងតែប្រារព្ធធ្វើឡើងជារាងរាល់ឆ្នាំដោយចាប់ពីថ្ងៃ១រោច ដល់ថ្ងៃ១៥រោច ខែភទ្របទ ដោយបានចែកចេញជាពីរថ្នាក់ ក្នុងនោះចាប់ពីថ្ងៃ១រោច រហូតដល់ថ្ងៃ១៤រោច ខែភទ្របទ គឺជាថ្ងៃកាន់វេនបិណ្ឌ និងថ្ងៃ១៥រោច គឺជាថ្ងៃបុណ្យភ្ជុំបិណ្ឌតែម្តង។

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ក្រុមសមាជិកព្រឹទ្ធសភាប្រចាំភូមិភាគទី១ ជួបពិភាក្សាការងារជាមួយអាជ្ញាធរខណ្ឌដូនពេញ
    thumbnail
     
    លោកជំទាវ មាន សំអាន បានដឹកនាំក្រុមអញ្ជើញចូលរួមគោរពវិញ្ញាណខន្ធសព ឧបាសិកា ស៊ីន ឡាំងអេង ត្រូវជាម្តាយបង្កើតលោកស្រី ឆាយ ចិន្តា ប្រធាននាយកដ្ឋានហិរញ្ញវត្ថុ
    thumbnail
     
    លិខិតចូលរួមរំលែកទុក្ខ របស់ ក្រុមសមាជិកាព្រឹទ្ធសភា ជូនចំពោះ លោកស្រី ឆាយ ចិន្តា ប្រធាននាយកដ្ឋានហិរញ្ញវត្ថុ
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានទទួលឯកអគ្គរាជទូតជប៉ុន ចូលជួបសម្តែងការគួរសម
    thumbnail
     
    ឯកឧត្តមកិត្តិសេដ្ឋាបណ្ឌិត ជា ជេដ្ឋ អញ្ជើញបិទវេទិកាថ្នាក់ខណ្ឌជាមួយក្រុមប្រឹក្សាសង្កាត់ទាំង៥ខណ្ឌក្នុងរាជធានីភ្នំពេញ