khmer eng
  • ឯកឧត្តមបណ្ឌិត ម៉ុង ប្ញទ្ធី ដឹកនាំកិច្ចប្រជុំអន្តរគណៈកម្មការព្រឹទ្ធសភា ជាមួយតំណាងរាជរដ្ឋាភិបាល
     
    ចែករំលែក ៖

    នារសៀលថ្ងៃទី០៦ ខែតុលា ឆ្នាំ២០២២ គណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាន នៃព្រឹទ្ធសភា (គណៈកម្មការទី៣) ដឹកនាំដោយឯកឧត្តមបណ្ឌិត ម៉ុង ប្ញទ្ធី ប្រធានគណៈកម្មការទី៣ព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំអន្តរគណៈកម្មការព្រឹទ្ធសភាជាមួយតំណាងរាជរដ្ឋាភិបាលដឹកនាំដោយឯកឧត្តម ជិន ប៊ុនសាន ទេសរដ្ឋមន្រ្តីទទួលបន្ទុកបេសកកម្មពិសេស អនុប្រធានក្រុមប្រឹក្សាអភិវឌ្ឍន៍កម្ពុជា ដើម្បីពិនិត្យសិក្សាលើសេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីបួន ស្តីពីវិសោធនកម្មកិច្ចព្រមព្រៀងវិនិយោគទូលំទូលាយអាស៊ាន នៅសាលប្រជុំពិសេសព្រឹទ្ធសភា។
    សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីបួនខាងលើនេះ មានគោលបំណងសំខាន់ជំរុញរំហូរវិនិយោគក្នុងសហគមន៍សេដ្ឋកិច្ចអាស៊ាន និងបង្កើតបរិយាកាសវិនិយោគដោយសេរី ងាយស្រួល មានតម្លាភាព និងមានលក្ខណៈប្រកួតប្រជែង ដើម្បីផ្ដល់អត្ថប្រយោជន៍ដល់វិនិយោគិននិងការវិនិយោគក្នុងអាស៊ាន។ ជាមួយគ្នានេះ ពិធីសារទីបួននេះ មានភាពចាំបាច់សម្រាប់ធ្វើការវាយតម្លៃនិងត្រួតពិនិត្យឡើងវិញនូវលក្ខខណ្ឌ តម្រូវកាតព្វកិច្ចចំពោះវិនិយោគិនបរទេសដែលនៅជាធរមានរបស់រដ្ឋសមាជិក និងពិចារណាធ្វើការប្ដេជ្ញាចិត្តបន្ថែមនៅក្នុងមាត្រា៧ (ការហាមឃាត់លក្ខខណ្ឌតម្រូវឱ្យបំពេញកាតព្វកិច្ច) នៃកិច្ចព្រមព្រៀងវិនិយោគទូលំទូលាយអាស៊ាន ដើម្បីធ្វើឱ្យកិច្ចព្រមព្រៀងកាន់តែប្រសើរឡើង និងអំណោយផលដល់ការទាក់ទាញវិនិយោគពីប្រទេសផ្សេងមកក្នុងតំបន់អាស៊ាន។
    ខ្លឹមសាររួមនៃពិធីសារទីបួនស្តីពីវិសោធនកម្ម កិច្ចព្រមព្រៀងវិនិយោគទូលំទូលាយអាស៊ាននេះ មានចំនួន៥មាត្រាគឺ មាត្រា១ ចែងអំពីវិសោធនកម្មមាត្រា៧ (ការហាមឃាត់លក្ខខណ្ឌតម្រូវឱ្យបំពេញកាតព្វកិច្ច) មាត្រា២ ចែងអំពីវិសោធនកម្មមាត្រា៩ (ការរក្សាសិទ្ធិ) មាត្រា៣ ចែងអំពីវិសោធនកម្មកំណត់សម្គាល់មេកិច្ចព្រមព្រៀងវិនិយោគទូលំទូលាយអាស៊ានសម្រាប់បញ្ជីរក្សាសិទ្ធិ មាត្រា៤ចែងអំពីកម្មវិធីការងារ និងមាត្រា៥ ចែងអំពីអវសានប្បញ្ញត្តិ។

    ប្រភព៖ នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំគណៈប្រតិភូព្រឹទ្ធសភា ទស្សនារោងចក្រកែច្នៃចំណីអាហារ និងរោងចក្រផលិតចំណីសត្វរបស់ក្រុមហ៊ុនស៊ី.ភី. ខេមបូឌា ចំកាត់
    thumbnail
     
    សមាជិកព្រឹទ្ធសភា បានអញ្ជើញចូលរួមពិធីសម្ពោធ អគារសិក្សា និងសមិទ្ធផលនានា នៅវិទ្យាល័យ ហ៊ុន សែន ប្រម៉ោយ ស្ថិតនៅស្រុកវាលវែង ខេត្តពោធិ៍សាត់
    thumbnail
     
    ឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមជាគណៈអធិបតីក្នុងពិធីបើកការរដ្ឋានសាងសង់អាគារមណ្ឌលសុខភាពពីរកន្លែង
    thumbnail
     
    ឯកឧត្ដម​ លី​ សារី​ អញ្ជើញចូលរួមរំលែកមរណទុក្ខ​ និងគោរពវិញ្ញាណក្ខន្ធសពប្រជាពលរដ្ឋ​ នៅក្រុងកែប​ ខេត្តកែប
    thumbnail
     
    លោកជំទាវ ម៉ាណ ណាវី និងឯកឧត្តម សាន់ ឡាទីន អញ្ជើញចូលរួមពិធីបើកសូធ្យគម្ពីរគូរអានុលការីមទូទាំងប្រទេសលើកទី៣២ និងសូធ្យចាំមាត់លើកទី៦ ឆ្នាំ២០២៥