khmer eng
  • ឯកឧត្តម ឡៅ ឆន បាននាំយកអំណោយទៅចែកជូនប្រជាពលរដ្ឋក្រីក្រ ចំនួន២០គ្រួសារ និងប្រជាការពារភូមិ ចំនួន១០គ្រួសារ ស្ថិតនៅក្នុងភូមិក្រសាំង ឃុំត្រពាំងប្រាសាទ ខេត្តឧត្តរមានជ័យ
     
    ចែករំលែក ៖

    ថ្ងៃសៅរ៍ ទី១២ ខែវិច្ឆិកា ឆ្នាំ២០២២ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ និងឯកឧត្តម ហុង ទូហាយ ទីប្រឹក្សាសមេ្តចប្រធានព្រឹទ្ធសភា រួមដំណើរមានឯកឧត្តម គង់ កន្នារិទ្ធ អភិបាលរងខេត្ត លោក ហំាង ម៉េង អភិបាលស្រុកត្រពំាងប្រាសាទ និងមន្រ្តីរាជការក្នុងស្រុក ព្រមទាំងលោកជំទប់ទី១ ឃុំត្រពាំងប្រាសាទ បាននាំយកអំណោយមួយរួមមាន អង្ករ ២៥គ.ក្រ ទឹកសុទ្ធ ១កេះ មី ១កេះ ត្រីខ ១០កំប៉ុង ទឹកស៊ីអ៊ីវ ១យួរ ទឹកត្រី ១យួរ និងប៊ីចេង ១កញ្ចប់ ទៅចែកជូនប្រជាពលរដ្ឋក្រីក្រ ចំនួន២០គ្រួសារ និងប្រជាការពារភូមិ ចំនួន១០គ្រួសារ ស្ថិតនៅក្នុងភូមិក្រសាំង ឃុំត្រពាំងប្រាសាទ ខេត្តឧត្តរមានជ័យ ដែលកំពុងជួបការលំបាកខ្វះខាតស្បៀងដោយទឹកជំនន់នាពេលកន្លងមក។ មតិសំណេះសំណាលក្នុងឱកាសនោះ ឯកឧត្តម នៅ សំ បានសម្តែងការកោតសរសើរដល់អាជ្ញាធរមូលដ្ឋាន ដែលយកចិត្តទុកដាក់លើភារកិច្ចរបស់ខ្លួនយ៉ាងសកម្ម ទទួលបានលទ្ធផលល្អ ធ្វើឱ្យមូលដ្ឋានមានការវិវឌ្ឍរីកចំរើនជាបន្តបន្ទាប់ ដោយប្រទេសជាតិមានសុខសន្តិភាពពេញបរិបូរណ៍ ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។ បន្តយកចិត្តទុកដាក់ការពារកុំឱ្យឆ្លងជំងឺកូវី-១៩ ដោយអនុវត្តតាមការណែនាំរបស់ក្រសួងសុខាភិបាល ការផ្តល់សេវាធារណជូនប្រជាពលរដ្ឋ ពិសេសការអនុវត្តគោលនយោបាយភូមិ-ឃុំមានសុវត្ថិភាព។
    បន្ទាប់ពីចែកអំណោយរួច ឯកឧត្តម និងអ្នករួមដំណើរ បានអញ្ជើញទៅពិនិត្យមើលស្រូវពង្រោះ ដែលស្រុកបានយកពូជទៅចែកដល់បងប្អូន ដែលរងការខូចខាតស្រូវទាំងអស់ដោយទឹកជំនន់នាពេលកន្លងមក និងបន្តពិនិត្យការដ្ឋានសាងសង់ផ្លូវចាក់បេតុងមួយខ្សែនៅជំវិញផ្សាររបស់ស្រុកត្រពាំងប្រាសាទ ដែលបានចូលរួមបដិភាគរបស់បងប្អូនប្រជាពលរដ្ឋ ជាមួយអាជ្ញាធរស្រុកក្នុងការកសាងផ្លូវនេះឡើង។

     


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្ដមបណ្ឌិត ចែម វីឌ្យ៉ា អញ្ជើញចូលរួមពិធីគម្រប់ខួបលើកទី៥០ នៃទំនាក់ទំនងអាស៊ាន-អូស្រ្តាលី រាជធានីភ្នំពេញ
    thumbnail
     
    ឯកឧត្ដម នាង ផាត ជាប្រធានក្រុមសមាជិកព្រឹទ្ធសភាប្រចាំភូមិភាគទី៨ នៃព្រឹទ្ធសភា បានអញ្ជើញចូលរួមជាកិត្តិយសក្នុងពិធីក្នុងពិធីអបអរសាទរខួបអនុស្សាវរីយ៍លើកទី៤៧ ទិវានៃចងចាំដំណើរឆ្ពោះទៅការផ្ដួលរំលំរបបប្រល័យពូជសាសន៍ ប៉ុល ពត ២០ មិថុនា ១៩៧៧ – ២០ មិថុនា ២០២៤
    thumbnail
     
    លោកជំទាវ មាន សំអាន អញ្ជើញដឹកនាំកិច្ចប្រជុំផ្ទៃក្នុងក្រុមសមាជិកព្រឹទ្ធសភាប្រចាំភូមិភាគទី៦ 
    thumbnail
     
    ឯកឧត្តមបណ្ឌិត ម៉ុង ឫទ្ធី អញ្ជើញដឹកនាំកិច្ចប្រជុំផ្ទៃក្នុងក្រុមសមាជិកព្រឹទ្ធសភាប្រចាំភូមិភាគទី៧
    thumbnail
     
    ឯកឧត្តមបណ្ឌិត ធន់ វឌ្ឍនា អញ្ជើញចូលរួមក្នុងពិធីពិសាអាហារស្វាគមន៍ តាមការអញ្ជើញរបស់អភិបាលក្រុង Hefei