កាលពីថ្ងៃទី២០ ខែវិច្ឆិកា ឆ្នាំ២០២២ ឯកឧត្តម ជឹម លាវ សមាជិកគណៈកម្មការទី១ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ និងលោកជំទាវ ស៊ី វណ្ណថា សមាជិកាគណ:កម្មការទី៩ និងជាសមាជិកាក្រុមសមាជិកាព្រឹទ្ធសភាប្រចាំភូមិភាគទី២ បានអញ្ជើញចុះជួបសំណេះសំណាលជាមួយ ក្រុមប្រឹក្សាឃុំ ដើម្បីឈ្វេងពីការអនុវត្តការងាររបស់ក្រុមប្រឹក្សាឃុំ និងពិនិត្យលើដំណើរការចុះឈ្មោះបោះឆ្នោត នៅឃុំត្រពាំងគរ ស្រុកជើងព្រៃ ខេត្តកំពង់ចាម ។ ឯកឧត្តម និងលោកជំទាវ បានចូលរួមដោះស្រាយនូវបញ្ហាប្រឈមមួយចំនួនដែលមេភូមិទាំង១០បានលើកឡើង។ ក្នុងឱកាសនោះ ឯកឧត្តម លោកជំទាវ បានឧបត្ថម្ភនូវថវិកាសរុបចំនួន ១,៩៧០,០០០ រៀល, ក្នុងនោះបែងចែកជូនសមាជិកអង្គប្រជុំចំនួន ៣២នាក់ ក្នុងម្នាក់ចំនួន ១០,០០០រៀល ហើយបានចូលបច្ច័យដល់គ្រួសារសពចំនួន២សព ក្នុងមួយគ្រួសារនៃសពចំនួន ២០០,០០០រៀល, ស្ត្រីសំរាលកូន១៩នាក់ ក្នុងម្នាក់ៗទទួលបានចំនួន ៥០,០០០រៀល,សមាជិកភូមិម្នាក់មានជម្ងឺ១០០,០០០រៀល, និងបានជួយឧបត្ថម្ភចាក់សាបក្នុងបរិវេនសាលាបឋមសិក្សាស្អាងចំនួន២០០,០០០ រៀល។