នាថ្ងៃសៅរ៍២កើត ខែជេស្ឋ ឆ្នាំរោង ព.ស.២៥៦៨ ត្រូវនឹងថ្ងៃទី៨ ខែមិថុនា ឆ្នាំ២០២៤ ឯកឧត្តម សាយ បូរិន សមាជិកគណៈកម្មការទី៥ ព្រឹទ្ធសភា បានអញ្ជើញចូលរួមប្រារព្ធពិធីសូត្រមន្ដចម្រើនព្រះបរិត្ត ស្ដាប់ធម៌ទេសនាក្នុងកម្មវិធីបុណ្យឆ្លងសមិទ្ធផលនានាក្នុងវត្ត អង្គកែវឧត្តម (ហៅវត្តថ្មី)នៅភូមិថ្មី ឃុំថ្មី ស្រុកណ្ដាលស្ទឹង ខេត្តកណ្ដាល។
លុះព្រឹកថ្ងៃអាទិត្យ៣កើត ខែឆ្នាំដដែល ត្រូវនឹងថ្ងៃទី០៩ ខែឆ្នាំដដែល ឯកឧត្តមបានអញ្ជើញទៅចូលរួមជាគណៈអធិបតីភាពក្នុងវត្តនេះម្ដងទៀតដើម្បីធ្វើពិធីសម្ពោធកាត់ខ្សែបូរឆ្លងសមិទ្ធផលនានាមាន៖ កុដិចំនួន០៣ខ្នង សួនឧទ្យានព្រះពុទ្ធបដិមា០៤អង្គ រោងបាយចំនួន០១ខ្នង ជាដើមក្នុងកម្មពិធីនេះឯកឧត្តមបានចំណាយថវិកាចំនួន ៨០០ដុល្លា សម្រាប់ចូលបុណ្យ និងទិញសម្ភារៈសិក្សា ថវិកាចែកជូនសិស្សានុសិស្សចំនួន១៣៨នាក់ និងប្រជាការពារចំនួន១០នាក់។
ប្រភព៖ ការិយាល័យជំនួយការគណៈកម្មការទី៥
