នៅព្រឹកថ្ងៃទី១ ខែកក្តដា ឆ្នាំ២០២៤ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម អន ស៊ុ សមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីអបអរសាទរបុណ្យរុក្ខទិវា ៩ កក្កដា ២០២៤ ក្រោមអធិតីភាពដ៏ខ្ពង់ខ្ពស់ ឯកឧត្តម កែ គឹមយ៉ាន សមាជិករដ្ឋសភា និងជាឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា។ ចូលរួមកម្មវិធីនេះផងដែរមាន ឯកឧត្តម លោកជំទាវ អ្នកតំណាងរាស្រ្ត ប្រចាំមណ្ឌលខេត្តបន្ទាយមានជ័យ ឯកឧត្តម រដ្ឋលេខាធិការក្រសួង កសិកម្ម រុក្ខាប្រមាញ់និងនេសាទ ក្រុមប្រឹក្សាខេត្ត អភិបាលរងខេត្ត កងកម្លាំង មន្រ្តីរាជការគ្រប់ស្ថាប័ណ្ណក្នុងខេត្ត ក្រុង ស្រុក លោកគ្រូ អ្នកគ្រូ សិស្ស និស្សិតនិងប្រជាពលរដ្ឋ ប្រមាណ ២,២០០នាក់។ ក្នុងខែមិថុនា កន្លងទៅនេះ ឯកឧត្តម កែ គឹមយ៉ាន សមាជិករដ្ឋសភា និងជាឧត្ដមប្រឹក្សាផ្ទាល់ព្រះមហាក្សត្រ ឧបត្ថម្ភកូនឈើ មានកូនដើមចាន់គីរី ២០,០០០ដើម និង ឈើប្រណិត ២,១៩០ដើម ជូនដល់ក្រុង ស្រុកទាំង៩ សាលារៀន និងវត្តអារាម។ ពិធីនេះប្រារព្វធ្វើនៅបរិវេណសកលវិទ្យាល័យជាតិមានជ័យ ស្ថិតនៅក្រុងសិរីសោភ័ណ ខេត្តបន្ទាយមានជ័យ នឹងបានដាំកូនឈើ ៦០០ដើម និង៥,០០០ដើម ចែកជូនអ្នកចូលរួមកម្មវិធីផងដែរ។