ក្រុមសមាជិកព្រឹទ្ធសភាប្រចាំភូមិភាគទី៤ ដឹកនាំដោយឯកឧត្តម ប៉ុល លឹម ប្រធានក្រុម និងជាអនុប្រធានគណៈកម្មការទី៤ព្រឹទ្ធសភា បានអញ្ជើញចុះជួបសំណេះសំណាលជាមួយក្រុមប្រឹក្សាសង្កាត់ ស្មៀន នាយប៉ុស្តិ៍នគរបាលសង្កាត់ និងអាជ្ញាធរក្រុងសៀមរាប ខេត្តសៀមរាប សរុបចំនួន១៧៨នាក់។
ពិធីនេះ ប្រព្រឹត្តទៅរយៈពេលមួយរសៀល នៅសាលាក្រុងសៀមរាប នារសៀលថ្ងៃចន្ទ ទី២៩ ខែកក្កដា ឆ្នាំ២០២៤ ដោយមានការអញ្ជើញចូលរួមពីឯកឧត្តមអភិបាលរងខេត្ត ឯកឧត្តមសមាជិកក្រុមប្រឹក្សាខេត្ត ស្នងការរងនគរបាលខេត្តសៀមរាប លោកអភិបាល អភិបាលរង នៃគណៈអភិបាលក្រុងសៀមរាប និងប្រធានក្រុមប្រឹក្សាក្រុងសៀមរាប…។
ប្រភព៖ នាយកដ្ឋានព័ត៌មាន
