លោកជំទាវ មាន សំអាន អញ្ជើញសំណេះសំណាល និងចែកចង្រ្កានសន្សំសំចៃថាមពល ព្រមទាំងដបទឹករក្សាកំដៅ ជូនប្រជាពលរដ្ឋចំនួន ៥០០គ្រួសារ នៅឃុំកន្សោមអក និងឃុំព្រៃឈរ ស្រុកកំពង់ត្របែក ខេត្តព្រៃវែង
នាថ្ងៃទី០២ ខែសីហា ឆ្នាំ២០២៤ លោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ និងជាអនុប្រធានសមាគមន៍នារីកម្ពុជាដើម្បីសន្តិភាព និងអភិវឌ្ឍន៍ បានអញ្ជើញជាអធិបតីភាពក្នុងពិធីសំណេះសំណាល និងចែកចង្រ្កានសន្សំសំចៃថាមពល ព្រមទាំងដបទឹករក្សាកំដៅ ជូនប្រជាពលរដ្ឋចំនួន ៥០០គ្រួសារ នៅឃុំកន្សោមអក និងឃុំព្រៃឈរ ស្រុកកំពង់ត្របែក ខេត្តព្រៃវែង។
ពិធីសំណេះសំណាលប្រព្រឹត្តទៅដោយមានការអញ្ជើញចូលរួមពីអភិបាលរងខេត្ត សមាជិកាគណ:កម្មការសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត ប្រធានមន្ទីរកិច្ចការនារីខេត្ត អភិបាល អភិបាលរងស្រុក ក្រុមប្រឹក្សាឃុំ និងប្រជាពលរដ្ឋ សរុបចំនួន ៥៣០នាក់ ។
