ក្រុមសមាជិកព្រឹទ្ធសភាប្រចាំភូមិភាគទី៣ (ខេត្តកណ្តាល) ដឹកនាំដោយឯកឧត្តម ម៉ម ប៊ុននាង ប្រធានក្រុម បានអញ្ជើញចុះជួបសំណេះសំណាលជាមួយនឹងថ្នាក់ដឹកនាំស្រុក ក្រុមប្រឹក្សាឃុំ ស្មៀន និងនាយប៉ុស្តិ៍នគរបាលរដ្ឋបាលឃុំ ក្នុងស្រុកស្អាង ស្រុកកោះធំ ខេត្តកណ្តាល នៅសាលាស្រុកស្អាង ខេត្តកណ្តាល នាព្រឹកថ្ងៃសុក្រ ទី៣០ ខែសីហា ឆ្នាំ២០២៤ ដោយមានអ្នកចូលរួមសរុប២២៣នាក់។
ពិធីសំណេះសំណាលនេះ រៀបចំឡើង ដើម្បីរាយការណ៍ពីលទ្ធផលការងារ និងផ្សព្វផ្សាយសកម្មភាពការងាររបស់ព្រឹទ្ធសភាជូនម្ចាស់ឆ្នោត ស្តាប់មតិយោបល់ សំណូមពរ បញ្ហាប្រឈមរបស់ក្រុមប្រឹក្សាឃុំ និងប្រជាពលរដ្ឋ ព្រមទាំងចែករំលែក និងស្វែងយល់បន្ថែមអំពី៖
១.ប្រសិទ្ធភាពនៃការអនុវត្តគោលនយោបាយវិមជ្ឈការ និងវិសហមជ្ឈការ។
២.ការចុះបញ្ជីអត្រានុកូលដ្ឋាន។
៣.ការអនុវត្តគោលនយោបាយភូមិ ឃុំ សង្កាត់ មានសុវត្ថិភាព។
ប្រភព ៖ នាយកដ្ឋានព័ត៌មាន
