ក្រុមសមាជិកព្រឹទ្ធសភាប្រចាំភូមិភាគទី៤ ដឹកនាំដោយឯកឧត្តម ប៉ុល លឹម ប្រធានក្រុម និងជាអនុប្រធានគណៈកម្មការទី៤ព្រឹទ្ធសភា បានអញ្ជើញចុះជួបសំណេះសំណាលជាមួយនឹងក្រុមប្រឹក្សាឃុំ ស្មៀន នាយប៉ុស្តិ៍នគរបាលឃុំ និងអាជ្ញាធរស្រុកមង្គលបូរី ខេត្តបន្ទាយមានជ័យសរុបចំនួន២០១នាក់។ ពិធីនេះ ប្រព្រឹត្តទៅរយៈពេលមួយរសៀល នៅផ្សារបុរីជ័យ២ចំការតាដោក ស្រុកមង្គលបូរី ខេត្តបន្ទាយមានជ័យ នារសៀលថ្ងៃសុក្រ ទី៣០ ខែសីហា ឆ្នាំ២០២៤ ដោយមានការអញ្ជើញចូលរួមពីឯកឧត្តមអភិបាលរងខេត្ត ឯកឧត្តមសមាជិកក្រុមប្រឹក្សាខេត្ត ស្នងការរងនគរបាលខេត្តបន្ទាយមានជ័យ លោកអភិបាល អភិបាលរង នៃគណៈអភិបាលស្រុកមង្គលបូរី ប្រធានក្រុមប្រឹក្សាស្រុកមង្គលបូរី អធិការនគរបាលស្រុក កងរាជអាវុធហត្ថស្រុក នាយករដ្ឋបាលស្រុក ប្រធានការិយាល័យច្រកចេញចូលតែមួយ ប្រធានការិយាល័យប្រជាពលរដ្ឋ ប្រធានការិយាល័យនីតិកម្ម និងសម្របសម្រួលវិវាទមូលដ្ឋាន និងមន្ត្រីរដ្ឋបាលស្រុកមង្គលបូរី…។
ប្រភព៖ នាយកដ្ឋានព័ត៌មាន
