លោកជំទាវ មាន សំអាន ប្រធានក្រុមសមាជិកាព្រឹទ្ធសភា បានអញ្ជើញជាអធិបតីក្នុងពិធីបិទវេទិកាស្តីពី «ពង្រឹងសមត្ថភាពដឹកនាំ ក្រុមប្រឹក្សាឃុំ សង្កាត់ជាស្ត្រី និងសហគ្រិនស្ត្រី រួមទាំងវិស័យឌីជីថល» នៅរីហ៊្សត ខាសល បេវិយូ (Castle Bayview ) ក្រុងកំពត ខេត្តកំពត នារសៀលថ្ងៃទី១៦ ខែមករា ឆ្នាំ២០២៥ ។
វេទិកាដែលរៀបចំដោយក្រុមសមាជិកាព្រឹទ្ធសភា និងរដ្ឋបាលខេត្តកំពតនេះ ប្រព្រឹត្តទៅរយៈពេល២ថ្ងៃ ពីថ្ងៃទី១៥-១៦ ខែមករា ឆ្នាំ២០២៥ ដោយមានការចូលរួមពីសមាជិក សមាជិកាព្រឹទ្ធសភា ប្រធានក្រុមប្រឹក្សាខេត្ត អភិបាលនៃគណៈអភិបាលរងខេត្តកំពតជាស្ត្រី ប្រធានមន្ទីរកិច្ចការនារីខេត្ត សមាជិកក្រុមប្រឹក្សាឃុំ សង្កាត់ជាស្ត្រី ដែលមកពីខេត្តកំពត ខេត្តកែប និងខេត្តតាកែវ ព្រមទាំងសហគ្រិន និងអាជីវករស្ត្រី សរុបចំនួន១៧៤នាក់…។
ប្រភព៖ នាយកដ្ឋានព័ត៌មាន
