នារសៀលថ្ងៃអង្គារ ទី៤ ខែកុម្ភៈ ឆ្នាំ២០២៥ គណៈប្រតិភូគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) ដឹកនាំដោយលោកជំទាវ មាន សំអាន ប្រធានគណៈកម្មការទី៨ព្រឹទ្ធសភា អមដំណើរដោយលោក ឌឹម នី អភិបាលរង នៃគណៈអភិបាលខេត្តមណ្ឌលគិរី បានអញ្ជើញទស្សនកិច្ច និងជួបសំណេះសំណាលជាមួយបុគ្គលិក លោកគ្រូ អ្នកគ្រូ សិស្សនិស្សិត នៅមជ្ឈមណ្ឌលបណ្តុះបណ្តាលវិជ្ជាជីវៈខេត្តមណ្ឌលគិរី…។

សូមជម្រាបថា មជ្ឈមណ្ឌលបណ្តុះបណ្តាលវិជ្ជាជីវៈខេត្តមណ្ឌលគីរី មានវគ្គបណ្តុះបណ្តាល និងជំនាញជាច្រើនដូចជា៖ ជំនាញអគ្គិសនី ព័ត៌មានវិទ្យា ការដំឡើងបណ្តាយអគ្គិសនីក្នុងអាគារ សេវាកម្មកុំព្យួទ័រ ការផ្សារអគ្គិសនី ការថែរទាំ និងជំនាញជួសជុលទោចក្រយាន្តយន្ត…។

ក្នុងឱកាសនោះ គណៈប្រតិភូគណៈកម្មការទី៨ព្រឹទ្ធសភា ក៏បានឧបត្ថម្ភថវិកាចំនួន៦០ម៉ឺនរៀលសម្រាប់មជ្ឈមណ្ឌលបណ្តុះបណ្តាលវិជ្ជាជីវៈខេត្តមណ្ឌលគីរីផងដែរ…។

ប្រភព៖ នាយកដ្ឋានព័ត៌មាន