គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារីនៃព្រឹទ្ធសភា (គណៈកម្មការទី៨) ព្រមទាំងក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានគណៈកម្មការ នឹងជាប្រធានក្រុម ដោយមានការចូលរួមពីឯកឧត្តម លោកជំទាវ សមាជិក សមាជិកាព្រឹទ្ធសភា បានអញ្ជើញថ្វាយបង្គំ
ព្រះសាសនមុនី មហាកម្មដ្ឋានចរិយ ហ៊ឹម ប៊ុនធឿន ធម្មត្ថេរោ ប្រធានពុទ្ធមណ្ឌលវិបស្សនាធុរៈ និងនាំយកនូវទេយ្យទាន ទេយ្យវត្ថុ គ្រឿងឧបភោគ បរិភោគ និងបច្ច័យមួយចំនួនប្រគេនដល់ព្រះសង្ឃគង់ នៅក្នុងវត្តពុទ្ធមណ្ឌលវិប្បនាធុរៈភ្នំព្រះរាជទ្រព្យ នាព្រឹកថ្ងៃទី២៧ ខែមីនា ឆ្នាំ២០២៥ ដែលស្ថិតនៅខាងលិចជើងភ្នំឧដុង្គ ក្នុងភូមិភ្នំ ឃុំផ្សារដែក ស្រុកពញាឮ ខេត្តកណ្តាល មុនរដូវកាលចូលឆ្នាំថ្មីប្រពៃណីជាតិខ្មែរ ដែលនឹងខិតមកដល់នាថ្ងៃទី១៤-១៥-១៦ ខែមេសា ខាងមុខនេះ។
ទេយ្យវត្ថុ និងគ្រឿងបរិក្ខា ដែលប្រគេន ដល់ព្រះសង្ឃនាឱកាសនោះរួមមាន៖ បច្ច័យ អង្ករ ទឹកបរិសុទ្ធ ទឹកក្រូច ទឹកត្រី ទឹកស៊ីអ៊ីវ ត្រីខកំប៉ុង មី ព្រមទាំងនំ ផ្លែឈើស្រស់ និងចង្ហាន់…៕
ប្រភព៖ នាយកដ្ឋានព័ត៌មាន
