khmer eng
  • ឯកឧត្តមកិត្តិសង្គហបណ្ឌិត ទេព ងន ប្រធានក្រុមសមាជិកព្រឹទ្ធសភាប្រចាំភូមិភាគទី៣ បានអញ្ជើញប្រគល់ម៉ាស់ចំនួន១០,០០០ម៉ាស់ អាកុលចំនួន៦០០លីត្រ មីជាតិចំនួន២០០កេស និងទឹកសុទ្ធចំនួន២០០កេស ជូនដល់រដ្ឋបាលស្រុកអង្គស្នួល
     
    ចែករំលែក ៖

    នារសៀលថ្ងៃអង្គារ ទី២៧ ខែមេសា ឆ្នាំ២០២១ ឯកឧត្តមកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៣ បានអញ្ជើញប្រគល់ម៉ាស់ចំនួន១០,០០០ម៉ាស់ អាកុលចំនួន៦០០លីត្រ មីជាតិចំនួន២០០កេស និងទឹកសុទ្ធចំនួន២០០កេស ដែលជាអំណោយរបស់ក្រុមសមាជិកព្រឹទ្ធសភាប្រចាំភូមិភាគទី៣ ជូនដល់រដ្ឋបាលស្រុកអង្គស្នួល សម្រាប់ទុកចែកជូនដល់ប្រជាពលរដ្ឋជួបការលំបាក និងខ្វះខាតក្នុងមូលដ្ឋានក្នុងពេលដែលរាជរដ្ឋាភិបាលមានវិធានការរឹតបន្តឹង ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ។ ក្នុងឱកាសនោះ ឯកឧត្តមកិតិ្តសង្គហបណ្ឌិត បានមានប្រសាសន៍សំខាន់ៗដូចខាងក្រោម ៖

    បានផ្តាំផ្ញើការសួរសុខទុក្ខពីសំណាក់សម្តេចវិបុលសេនាភក្តីប្រធានព្រឹទ្ធសភា ចំពោះសមាជិកក្រុមប្រឹក្សាឃុំ និងអាជ្ញាធរ ក៏ដូចជាប្រជាពលរដ្ឋទូរទាំងស្រុកអង្គស្នួល
    សូមឲ្យអាជ្ញាធរត្រូវមានវិធានការ ចុះអប់រំណែនាំប្រជាពលរដ្ឋក្នុងមូលដ្ឋានរបស់ខ្លួន ត្រូវគោរពតាមការណែនាំនានារបស់ក្រសួងសុខាភិបាល អនុវត្តន៍វិធានការ៣កុំ ៣ការពារ និងត្រូវ
    ផ្សព្វផ្សាយឲ្យបានរហ័ស និងទូលំទូលាយដល់ប្រជាពលរដ្ឋនូវវិធានការនានា របស់រាជរដ្ឋាភិបាល ដើម្បីទប់ស្កាត់ការឆ្លងរាលដាលនៃជម្ងឺកូវីដ-១៩ ពិសេសត្រូវពន្យល់ណែនាំអំពីទោសទណ្ឌនៃការល្មើស បម្រាមជៀសវាងបងប្អូនប្រព្រឹត្តខុសនាំមានទោស ។
    អាជ្ញាធរត្រូវបង្កើនការយកចិត្តទុកដាក់អំពីសុខទុក្ខរបស់បងប្អូនក្នុងមូលដ្ឋាន ពិសេសលើកត្តាសុខភាព និងជីវភាព មិនត្រូវទុកឱ្យបងប្អូនឈឺស្លាប់ដោយមិនបានបញ្ជូនទៅព្យាបាល ប្ញ អត់ឃ្លានស្លាប់ដោយអត់ស្បៀងអាហារឡើយ ត្រូវធ្វើការរាយការណ៍ដល់ថ្នាក់លើជាបន្ទាន់ដើម្បីរួមគ្នាដោះស្រាយ
    ក្នុងដំណាក់កាលនេះមានតែកិច្ចសហការ និងការចូលរួមរវាងបងប្អូនប្រជាពលរដ្ឋ និងអាជ្ញាធរ មូលដ្ឋានទេ ទើបអាចចូលរួមបិទបញ្ចប់ព្រឹត្តិការណ៍ ២០ កុម្ភៈ នេះបាន ពិសេសអាជ្ញាធរត្រូវអនុត្តការងាររបស់ខ្លួនដោយភាពទន់ធ្លន់ តែត្រូវម៉ឺងម៉ាត់ ច្បាស់លាស់ ដើម្បីសុខមាលភាព និងសុវត្ថិភាពរបស់ប្អូនក្នុងមូលដ្ឋាន
    សូមជួយពន្យល់ និងជម្រុញបងប្អូន ដែលត្រូវទទួលបានការចាក់វ៉ាក់សាំង ឲ្យបានទៅចាក់គ្រប់ៗគ្នា និងសូមឲ្យមានការជឿជាក់លើការដឹកនាំរបស់សម្តេចអគ្គមហាសេនាបតីតេជោ ដែលបានលះបង់ទាំងកម្លាំងកាយ ចិត្ត មិនខ្លាចការនឿយហត់ដើម្បីសុខទុក្ខបងប្អូនទូទាំងប្រទេស
    សូមធ្វើការបែងចែកអំណោយទាំងនេះឲ្យចំគោលដៅ
    ជាទីបញ្ចប់ ឯកឧត្តមកិត្តិសង្គហបណ្ឌិត បានជូនពរអាជ្ញាធរគ្រប់លំដាប់ថ្នាក់ និងក្រុមប្រឹក្សាឃុំក៏ដូចជាផ្តាំសួរសុខទុក្ខ និងជូនពរបងប្អូនប្រជាពលរដ្ឋទូទាំងស្រុកអង្គស្នួល សូមទទួលបានពរជ័យ សុខសុវត្ថិភាព និងសូមថែរក្សាសុខភាពឲ្យជៀសឆ្ងាយពីជម្ងឺទាំងពួង ពិសេសជម្ងឺកូវីដ ១៩ ដែលកំពុងឆ្លងរាលដាលនាពេលនេះ។


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានដឹកនាំសម័យប្រជុំវិសាមញ្ញព្រឹទ្ធសភា ដើម្បីពិនិត្យនិងឱ្យយោបល់លើសេចក្តីព្រាងច្បាប់ចំនួន ០២
    thumbnail
     
    លោកជំទាវ ចឹក ហេង បានចូលរួម ជាគណៈអធិបតី ក្នុងពិធីសម្ពោធដាក់អោយប្រើប្រាស់ជាផ្លូវការ វេទិការអុំទូក និងសំណង់សិល្បៈការផ្សេងៗ ក្រោមអធិបតី សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ
    thumbnail
     
    ឯកឧត្តម ឈិត គឹមយាត ចូលរួមកិច្ចប្រជុំសភាតំបន់អាស៊ី (APA)
    thumbnail
     
    ឯកឧត្តម ម៉ម ប៊ុននាង អញ្ជើញដឹកនាំកិច្ចប្រជុំផ្ទៃក្នុងគណៈកម្មការអង្កេត បោសសម្អាត និងប្រឆាំងអំពើពុករលួយ
    thumbnail
     
    ក្រុមសមាជិកព្រឹទ្ធសភា ក្រុមទី៥ បើកកិច្ចប្រជុំពិនិត្យពិភាក្សាលើសេចក្តីព្រាងច្បាប់ និងត្រៀមយោបល់ក្នុងសម័យប្រជុំព្រឹទ្ធសភា ជាវិសាមញ្ញ នីតិកាលទី៤