នៅថ្ងៃសុក្រ ១រោច ខែអស្សុជ ឆ្នាំឆ្លូវត្រីស័ក ព.ស ២៥៦៥ ត្រូវនឹងថ្ងៃទី២២ ខែតុលា ឆ្នាំ២០២១ ឯកឧត្តម ញ៉ែម សាម៉ន លេខាធិការក្រុមសមាជិកព្រឹទ្ធសភាប្រចាំភូមិភាគទី៨ បានជួបសំណេះសំណាល និងសួរសុខទុក្ខជាមួយក្រុមប្រឹក្សាឃុំស្រែឫស្សី និងឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ដើម្បីស្វែងយល់ពីការអភិវឌ្ឍនានា បញ្ហាប្រឈម និងការលំបាកផ្សេងៗ ក្នុងឃុំថាឡាបរិវ៉ាត់ ។ ទន្ទឹមនឹងនោះ ឯកឧត្តម បានផ្តល់ជាអនុសាសន៍ល្អៗ ក្នុងការបំពេញតួនាទី ភារកិច្ចរបស់ខ្លួន ដើម្បីផ្តល់សេវាជូនប្រជាពលរដ្ឋឲ្យកាន់តែប្រសើរឡើង នៅក្នុងមូលដ្ឋាន ។ ឆ្លៀតក្នុងឱកាសនោះផងដែរ ឯកឧត្តម ក៏បានផ្តល់នូវថវិកាមួយចំនួនជូនដល់ក្រុមប្រឹក្សាឃុំ និងស្មៀន ដើម្បីជាការលើកទឹកចិត្ត ។