ឯកឧត្តម យ៉ង់ សែម ដឹកនាំកិច្ចប្រជុំត្រៀមសម្រាប់ក្រុមទី២ នៃកិច្ចប្រជុំ ASPE11
=======
នាថ្ងៃទី២៧ ខែតុលា ឆ្នាំ២០២១ វេលម៉ោង ០៨:៣០ នាទីព្រឹក នៅសាលសិក្ខាសាលាខាងជើង វិមានព្រឹទ្ធសភា ឯកឧត្តម យ៉ង់ សែម ប្រធានគណៈកម្មការទី១ព្រឹទ្ធសភា និងជាប្រធានក្រុមសមាជិកព្រឹទ្ធសភាទទួលបន្ទុកកិច្ចការអន្តរសភានៃភាពជាដៃគូសភាអាស៊ី-អឺរ៉ុប (ASEP) បានដឹកនាំកិច្ចប្រជុំត្រៀមសម្រាប់ក្រុមទី២ នៃកិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ (ASPE11) ដែលនឹងប្រព្រឹត្តទៅនៅថ្ងៃទី១៦ ខែវិច្ឆិកា ឆ្នាំ២០២១ នាពេលខាងមុខ ដោយមានរបៀបវារៈដូចខាងក្រោម៖
១-ការបង្ហាញវីដេអូខ្លី នៃកិច្ចប្រជុំភាពជាដៃគូសភាអាស៊ី-អឺរ៉ុប(ASEP) លើកទី១០
(នីតិវិធីប្រជុំក្នុង Panel Discussion ដែលមាន ឯកឧត្តម ឈិត គឹមយាត ធ្វើជា Rapporteur)។
២-មតិចូលរួមរបស់ ឯកឧត្តម សុក ស៊ីផាន់ណា ជាទីប្រឹក្សាជាន់ខ្ពស់ នៃរាជរដ្ឋាភិបាល
និងជាប្រធានក្រុមប្រឹក្សាភិបាលនៃវិទ្យាស្ថានចក្ខុវិស័យ អាស៊ី (AVI) និងជាអ្នកជំនាញ
(Expert) ក្នុង Panel Discussion 2។
៣-មតិចូលរួមរបស់អង្គប្រជុំ។
៤-បទបង្ហាញរបស់តំណាង PCAsia ពាក់ព័ន្ធនឹងសេដ្ឋកិច្ច និងបញ្ហាផ្សេងៗ។
កិច្ចប្រជុំនេះ មានការអញ្ជើញចូលរួមពីសមាជិក-សមាជិកាព្រឹទ្ធសភា-រដ្ឋសភា អគ្គលេខាធិការរងព្រឹទ្ធសភា ព្រមទាំងសហការី៕
