លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា បានអញ្ជើញដឹកនាំកិច្ចប្រជុំការងារ ស្តីពីការណែនាំក្រុមការងារអ្នកសង្កេតការជាតិសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ តាមរយៈប្រព័ន្ធនិម្មិត (Zoom)
នារសៀលថ្ងៃទី២៧ ខែតុលា ឆ្នាំ២០២១ លោកជំទាវ មាន សំអាន ប្រធានគណៈកម្មការទី៨ ព្រឹទ្ធសភា និងជាអនុប្រធានសមាគមនារីកម្ពុជា ដើម្បីសន្តិភាពនិងអភិវឌ្ឍន៍ បានអញ្ជើញដឹកនាំកិច្ចប្រជុំការងារ ស្តីពីការណែនាំក្រុមការងារអ្នកសង្កេតការជាតិសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ តាមរយៈប្រព័ន្ធនិម្មិត (Zoom) ដោយមានការចូលរួមពីចម្ងាយរបស់សមាជិកាសមាគមនារីកម្ពុជា ដើម្បីសន្តិភាពនិងអភិវឌ្ឍន៍ថ្នាក់កណ្តាល និងថ្នាក់ដឹកនាំនារីជាអភិបាលរង និងប្រធានមន្ទីរកិច្ចការនារី តាមបណ្តារាជធានី-ខេត្តទាំង២៥។
