នាព្រឹកថ្ងៃទី០៨ ខែធ្នូ ឆ្នាំ២០២១ គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា បានរៀបចំកិច្ចផ្ទៃក្នុងគណៈកម្មការ ក្រោមអធិបតីភាពលោកជំទាវ មាន សំអាន ប្រធានគណៈកម្មការ តាមប្រព័ន្ធនិម្មិត (ZOOM) នៅសាលប្រជុំគណៈកម្មការទី៨ព្រឹទ្ធសភា ដើម្បីពិនិត្យនិងពិភាក្សាលើរបៀបវារៈ៖
១-បូកសរុបលទ្ធផលការងាររបស់គណៈកម្មការនៅចន្លោះសម័យប្រជុំលើកទី៧ និងលើកទី៨ព្រឹទ្ធសភា នីតិកាលទី៤។
២-ទូទាត់ចំណូល-ចំណាយថវិកាគណៈកម្មការប្រចាំឆ្នាំ២០២១។
៣-ការត្រៀមចុះបេសកកម្មរបស់គណៈកម្មការទៅខេត្តតាកែវ នៅថ្ងៃទី១៥ ខែធ្នូ ឆ្នាំ២០២១។
៤-ពិនិត្យឆ្លងផែនការសកម្មភាពការងាររបស់គណៈកម្មការសម្រាប់ឆ្នាំ២០២២ និងបញ្ហាផ្សេងៗ ៕