គណៈកម្មការទី១ព្រឹទ្ធសភា ជួបពិភាក្សាការងារជាមួយនឹងអង្គការសង្គមស៊ីវិលប្រចាំខេត្តឧត្តរមានជ័យ
នាព្រឹកថ្ងៃទី២៧ ខែធ្នូ ឆ្នាំ២០២១ គណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (ហៅកាត់គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ បានអញ្ជើញជួបពិភាក្សាការងារជាមួយនឹងអង្គការសង្គមស៊ីវិលប្រចាំខេត្តឧត្តរមានជ័យ ដឹកនាំដោយលោក សឿន រតនា ប្រធានអង្គការសមាហរណកម្មអភិវឍ្ឍន៍សហគមស៊ីដូ ដើម្បីឈ្វេងយល់អំពីការអនុវត្តការងារ សំណូមពរ និងបញ្ហាប្រឈមដែលអង្គការនីមួយបានជួបប្រទះក្នុងការអនុវត្តការងាររបស់ខ្លួននាពេលកន្លងមក ពិសេសការងារសិទ្ធមនុស្ស នៅទីស្នាក់ការប្រធានអង្គការសមាហរណកម្មអភិវឍ្ឍន៍សហគមស៊ីដូ ស្ថិតនៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ៕
