ឯកឧត្តម គង់ សារាជ ដឹកនាំកិច្ចប្រជុំផ្ទៃក្នុង គណៈកម្មការទី៩ព្រឹទ្ធសភា
នាព្រឹកថ្ងៃទី០៥ ខែកក្កដា ឆ្នាំ២០២២ គណៈកម្មការសាធារណការ ដឹកជញ្ជូន អាកាសចរស៊ីវិល ប្រៃសណីយ៍ ទូរគមនាគមន៍ ឧស្សាហកម្ម រ៉ែ ថាមពល ពាណិជ្ចកម្ម រៀបចំដែនដី នីរូបនីយកម្ម និងសំណង នៃព្រឹទ្ធសភា (គណៈកម្មការទី៩) បានរៀបចំកិច្ចប្រជុំផ្ទៃក្នុងគណៈកម្មការ ក្រោមអធិបតីភាពឯកឧត្តម គង់ សារាជ ប្រធានគណៈកម្មការ ដើម្បីពិភាក្សាត្រៀមជួបសវនាការរវាងគណៈកម្មការ ជាមួយក្រសួងប្រៃសណីយ៍ និងទូរគមនាគមន៍ និងបញ្ហាផ្សេងៗមួយចំនួនទៀត ។
កិច្ចប្រជុំនេះប្រព្រឹត្តនៅសាលប្រជុំគណៈកម្មការទី៩ព្រឹទ្ធសភា ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាគណៈកម្មការទី៩ព្រឹទ្ធសភា អគ្គនាយករងសេវាច្បាប់ និងសមូហភាពដែនដី ប្រធាននាយកដ្ឋានព័ត៌មានវិទ្យា និងប្រធាននាយកស្រាវជ្រាវទូទៅ ព្រមទាំងមន្ត្រីលេខាធិការដ្ឋានអមគណៈកម្មការទី៩ព្រឹទ្ធសភា៕
ប្រភព៖នាយកដ្ឋានព័ត៌មាន
