នាព្រឹកថ្ងៃទី២២ ខែតុលា ឆ្នាំ២០២២ លោកជំទាវ ឃួន ឃុនឌី សមាជិកាគណៈកម្មការទី៥ ព្រឹទ្ធសភា និងលោកឧកញ៉ា គុយ លាងគី ព្រមទាំងបុត្រាបុត្រី សមាជិក សមាជិកាព្រឹទ្ធសភា និងពុទ្ធបរិស័ទ បានដង្ហែរអង្គកឋិនទានសាមគ្គី ប្រទក្សិណជុំវិញប្រសាទអង្គរវត្ត រួចដង្ហែប្រទក្សិណជុំវិញព្រះវិហារ វត្តឥន្ទ្របត្តបុរី ស្ថិតក្នុងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប ដើម្បីវេរប្រគេនព្រះសង្ឃ ដែលគង់ចាំព្រះវស្សាអស់រយៈពេលមួយត្រីមាស តាមពុទ្ធានុញ្ញាត្ត ព្រមទាំងបច្ច័យ និងទេយ្យវត្ថុមួយចំនួន ដើម្បីរក្សាទុក សម្រាប់ព្រះសង្ឃ និងសម្រាប់កសាងវិស័យពុទ្ធសាសនាក្នុងទីវត្តអារាមឱ្យមានការរីកចម្រើនក្នុងគោលបំណងថែរក្សា ព្រះពុទ្ធសាសនាឱ្យស្ថិតស្ថេរយូរអង្វែងរហូតតរៀងទៅ។ ម្យ៉ាងទៀតដើម្បីឧទ្ទិសកុសលផលបុណ្យដែលកើតអំពីបុណ្យនេះជូនដល់បុព្វការីជន មានមាតា បិតា និងសាច់សារលោហិត ព្រមទាំងអស់លោកវីរជន វីរនារី អ្នកស្នេហាជាតិការពារទឹកដីមាតុភូមិ សូមបានរួចទុក្ខទោស និងបានទៅកើតនៅឋានសុគតិភពកុំបីឃ្លាងឃ្លាតឡើយ។

ប្រភព៖ នាយកដ្ឋានព័ត៌មាន