ឯកឧត្តម យ៉ង់ សែម ជាប្រធានក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយ IPU បានអញ្ជើញជួបពិភាក្សាការងារជាមួយគណៈកម្មាធិការសិទ្ធិមនុស្សសមាជិកាសភា IPU
អំឡុងពេលចូលរួមមហាសន្និបាតសហភាពអន្តរសភាលើកទី១៤៦ (IPU146) នៅទីក្រុងម៉ាណាម៉ា ព្រះរាជណាចក្របារ៉ែន
នារសៀលថ្ងៃទី១១ ខែមីនា ឆ្នាំ២០២៣ គណៈប្រតិភូសភាកម្ពុជា ដឹកនាំដោយឯកឧត្តម យ៉ង់ សែម ប្រធានគណៈកម្មការទី១ និងជាប្រធានក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយ IPU បានអញ្ជើញជួបពិភាក្សាការងារជាមួយគណៈកម្មាធិការសិទ្ធិមនុស្សសមាជិកាសភា IPU។ នៅល្ងាចថ្ងៃដដែលគណៈប្រតិភូបានអញ្ជើញចូលរួមពិធីបើកផ្លូវការនៃមហាសន្និបាត IPU លើកទី ១៤៦ និងកិច្ចប្រជុំពាក់ព័ន្ធ។ ការចូលរួមនេះគឺជាការឆ្លើយតបនឹងការអញ្ជើញរបស់ប្រធានសភាបារ៉ែន អគ្គលេខាធិការ IPU និងប្រធានIPU។ មហាសន្និបាតប្រព្រឹត្តទៅក្រោមមូលបទ “ការលើកកម្ពស់សង្គមប្រកបដោយបរិយាប័ន្ន និងការរួមរស់ដោយសន្តិភាព៖ ការមិនអត់ឱនចំពោះការវាយប្រហារ”ដែលមានការចូលរួមដោយគណៈប្រតិភូសភាមកពីប្រទេសចំនួន ១៣៧ នៅក្នុងពិភពលោក។
