នាព្រឹកថ្ងៃទី១៥ ខែមិថុនា ឆ្នាំ២០២៣ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានទទួលជួបពិភាក្សាការងារជាមួយនឹងលោក Wang Haoyu តំណាងមូលនិធិចិនដើម្បីអភិវឌ្ឍជនបទ ក្នុងគោលបំណងដើម្បី៖
១-ថ្លែងអំណរគុណដល់មូលនិធិចិនដើម្បីអភិវឌ្ឍជនបទដែលបានផ្តល់អំណោយកញ្ចប់ផេនដាដល់សិស្សានុសិស្សកម្ពុជា
២-ត្រៀមសហការជាមួយមូលនិធិចិនដើម្បីអភិវឌ្ឍជនបទក្នុងការអនុវត្តនូវគម្រោងនានាដែលផ្តល់ប្រយោជន៍ដល់ប្រជាជនកម្ពុជា
៣-បង្កើនទំនាក់ទំនងជាមួយអង្គភាពពាក់ព័ន្ធក្នុងការសម្របសម្រួលលើបទពិសោធន៍ជោគជ័យកន្លងមកនៃការកាត់បន្ថយភាពក្រីក្រនៅក្នុងប្រទេសចិន ដើម្បីយកមកអនុវត្តនៅកម្ពុជា។
បន្ទាប់ពីជំនួបពិភាក្សាការងាររួចមក លោក Wang Haoyu អញ្ជើញទស្សនាសាលប្រជុំព្រឹទ្ធសភា និងអគារប្រវត្តិសាស្រ្តនានានៅក្នុងបរិវេណព្រឹទ្ធសភា៕
