ថ្ងៃអាទិត្យ ទី៧ ខែមេសា ឆ្នាំ២០២៤ វេលាម៉ោង៧:០០ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា បានចូលរួមជាមួយឯកឧត្តមកិត្តិនីតិកោសល្យបណ្ឋិត ឱម យ៉ិនទៀង ទេសរដ្ឋមន្ត្រី ប្រធានអង្គភាពប្រឆាំងអំពើពុករលួយ ឯកឧត្តម ណាត ប៊ុនរឿន រដ្ឋលេខាធិការក្រសួងអប់រំ យុវជន និងកីឡា ឯកឧត្តម លី ច័ន្ទតុលាប្រធានគណៈមេធាវីកម្ពុជា និសហការី អភិបាលខណ្ឌទួលគោក ក្នុងពិធីចង្ក្រានសប្បុរសលើកទី២៥ ដើម្បីឧបត្ថម្ភគ្រឿងទេសសំខាន់ៗចាំចាច់ត្រូវប្រើប្រាស់បម្រើជីវភាពហូបចុករស់នៅប្រចាំថ្ងៃ ចំនួន៣០មុខ ជូនបងប្អូនប្រជាពលរដ្ឋ១០០គ្រួសាររស់នៅភូមិ១០ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ក្នុងបរិយាកាសស្និទ្ធស្នាលសប្បាយរីករាយជាមហាគ្រួសារយ៉ាងសុខដុមរមនាក្រៃលែង ក្រោមម្លប់ នៃសុខសន្តិភាពពេញផ្ទៃប្រទេស។
