រសៀលថ្ងៃទី១៥-មិថុនា-២០២៤
ឯកឧត្តម ស្លេះ ពុនយ៉ាមុីន សមាជិកព្រឹទ្ធសភា មណ្ឌលភូមិភាគ២ និង ឯកឧត្តម រ៉ូហ្វី អូស្មាន សមាជិករដ្ឋសភា បានអញ្ជើញជាអធិបតីក្នុងពិធីចែកជូនថវិកាសម្រាប់ទិញសត្វគោចំនួន១០០ក្បាល និងសត្វពពែចំនួន៤០ក្បាល សរុបជាថវិកាចំនួន ៥៣,៩០០ដុល្លាដល់ហាកឹម តួន មកពីរខេត្តចំនួន៤ ត្បូងឃ្មុំ កំពង់ចាម កំពង់ធំ និងក្រចេះ សម្រាប់ចែកជូនបងប្អូនសាសនិកឥស្លាមក្នុពិធីបុណ្យហាជ្ជីតាមប្រពៃណីសាសនាឥស្លាមនៅថ្ងៃទី១៥ ខែ០៦ ឆ្នាំ២០២៤ខាងមុខនេះ ដែលជាជំនួយតាមរយៈលោក មុីន ម៉ាត់សុខក្រី សមាជិកក្រុមប្រឹក្សាស្រុកក្រូចឆ្មារ និងជាប្រធានសមាគមសប្បុរសធម៍អាល់មុមីនីនកម្ពុជា។
ក្នុងពិធីនេះឯកឧត្តមអធិបតីបានថ្លែងអំណរគុណដល់ថ្នាក់ដឹកនាំ ហាកឹម តួន និងបងប្អូនសាសនិកឥស្លាមទាំងអស់និងមានវត្តមាននៅទីនេះដែលបានយល់ច្បាស់និងគាំទ្រគម្រោងព្រែកហ្វូណនតេជោ ដែលជាគម្រោងផ្តល់ប្រយោជន៍ដ៏ធំធេងដល់ជាតិនិងប្រជាជនទាំងមូល។ ឯកឧត្តមបានមានប្រសាសន៍បន្តថា ទោះកាន់សាសនាផ្សេងគ្នាតែយើងជាខ្មែរតែមួយដែលរស់រានឆ្លងកាត់របបប៉ុល ពត តែមួយ និងរួមចំណែកកសាងប្រទេសជាតិពីបាតដៃទទេក្រោមការដឹកនាំដ៏ឈ្លាសវៃរបស់សម្តេចតេជោអតីតនាយករដ្ឋមន្ត្រីនិងបន្តរួមកសាងជាតិនិងរក្សាសន្តិភាពក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែតនាយករដ្ឋមន្តី្រកម្ពុជារហូតទៅ។
