នាវេលាម៉ោង៨ព្រឹក ថ្ងៃសៅរ៍ ៨កើត ខែអាសាឍ ឆ្នាំរោង ឆស័ក ពុទ្ធសករាជ២៥៦៨ ត្រូវនឹងថ្ងៃទី១៣ ខែកក្កដា ឆ្នាំ២០២៤ (ត្រូវ ជាថ្ងៃសីល ) នៅតំបន់រមណីយដ្ឋាន អភិវឌ្ឍន៍កសិ-ទេសចរណ៍ ម៉ុង ឫទ្ធី សែនជ័យ ភូមិសំរោងជេីងភ្នំ ឃុំសែនដី ស្រុកសំរោងទង ខេត្តកំពង់ស្ពឺ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការផែនការ វិនិយោគ កសិកម្ម ធនធានទឹក ឧតុនិយម អភិវឌ្ឍន៍ជនបទ និងបរិស្ថាននៃព្រឹទ្ធសភា (គណៈកម្មការទី៣) និងលោកជំទាវ ព្រមទាំងកូនចៅ បុគ្គលិក កម្មករ រួមជាមួយពុទ្ធបរិស័ទជិតឆ្ងាយ បានប្រារព្ធរៀបចំកម្មវិធីប្រគេនទៀនចាំព្រះវស្សា ទេយ្យទាន និងចង្ហាន់ពេលព្រឹក(នៅអាហារដ្ឋានសែនជ័យ១)ប្រគេនដល់ព្រះសង្ឃចំនួន៦១អង្គ ដែលនិមន្តមកពីវត្តចំនួន៤ រួមមាន៖
– វត្តបឹងខ្នា ចំនួន២៥អង្គ
– វត្តស្រះតាចាន់ ចំនួន២៦អង្គ
– អាស្រមវត្តសន្សំកុសលគិរីគោរោទិ៍ ចំនួន៥អង្គ
– វត្តមហានាមស្លារម ចំនួន៥អង្គ សរុបរួមចំនួន៦១អង្គ
ដែលក្នុងមួយវត្តទទួលបាន ទៀនព្រះវស្សាចំនួន១គូរ អង្ករចំនួន២បាវ ទឹកស៊ីអ៊ីវចំនួន៤យួរ ត្រីខចំនួន១កេស មីចំនួន២កេស ភេសជ្ជៈចំនួន២កេស ទឹកសុទ្ធចំនួន២កេស សាច់ជ្រូកចំនួន២០គីឡូក្រាម ខជេីងជ្រូកពងទា១ឆ្នាំងលេខ៥០ សាច់ចង្កាក់ ផ្លែឈេីចម្រុះ និងថវិកាចំនួន៥០០,០០០រៀល ព្រមទាំងបានប្រគេនបច្ច័យដល់ព្រះសង្ឃចំនួន៦១អង្គក្នុងអង្គចំនួន ៥០,០០០រៀល ដែលសរុបចំណាយថវិកាទាំងអស់ចំនួន ២៥,០០០,០០០រៀល។
