នៅព្រឹកថ្ងៃទី២១ ខែសីហា ឆ្នាំ២០២៤ ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាប្រចាំភូមិភាគ២ បានអនុញាតិឲ្យប្អូនៗនិស្សិតដែលត្រូវត្រឡប់ទៅបន្តការសិក្សានៅប្រទេសអេហ្សីប ចូលជួបសម្តែងការគួរសមនិងសុំអនុសាសន៍ណែនាំ ស្ថិតក្នុងគេហដ្ឋានរបស់ឯកឧត្តម ក្រោយពីរប្អូនៗបានអនុញាតិឲ្យសម្រាកពីការសិក្សាមួយរយៈ ។
ឆ្លៀតក្នុងឱកាសនេះឯកឧត្តមបានក្រើនរម្លឹកដល់ប្អូនៗឲ្យខិតខំប្រឹងប្រែងបន្ថែមក្នុងការសិក្សាស្រាវជ្រាវនូវអ្វីដែលថ្មីនិងឲ្យបានច្បាស់ហើយបង្កើនសមត្ថភាពខ្លួនឲ្យបានក្លាយជានិស្សិតឆ្នើមដើម្បីបង្ហាញដល់មិត្តភ័ក្តប្រទេសដទៃក៏ដូចជាគ្រូៗបរទេសឲ្យមានភាពជឿជាក់ បានយល់ បានស្គាល់ចំពោះនិស្សិតមកពីកម្ពុជាថាពិតជាមានសមត្ថភាពមិនចាញ់និស្សិតតាមបណ្តារប្រទេសផ្សេងឡើយ ។
ឯកឧត្តមក៏បានបន្តទៀតថាប្អូនៗទាំងអស់គ្នាពេលត្រឡប់វិញត្រូវចងចាំក្នុងចិត្តឲ្យច្បាស់ថាខ្ញុំបានមកដល់ទីនេះ បានសិក្សានៅទីនេះគឺជាការខិតខំប្រឹងប្រែងរបស់រាជរដ្ឋាភិបាលកម្ពុជាដែលតែងតែគិតគូរពីអនាគតរបស់យុវជនជំនាន់ក្រោយបើគ្មានការជ្រមជ្រែងពីររាជរដ្ឋាភិបាលដែលកំពុងដឹកនាំប្រទេសសព្វថ្ងៃនេះទេ យើងក៏គ្មានឱកាសមកដល់ទីនេះហើយក៏គ្មានចំណេះដឹងខ្ពង់ខ្ពស់ដូចពេលនេះដែរ។
ក្នុងឱកាសនេះដែរឯកឧត្តមក៏បានឧបត្ថម្ភថវិកាជូនប្អូនៗចំនួនប្រាំនាក់ក្នុងម្នាក់ៗទទួលបាន២០០ដុល្លា សរុប១,០០០ដុល្លាសម្រាប់ធ្វើដំណើរ។
