នារសៀលថ្ងៃសៅរ័ ទី១៧ ខែ ឧសភា ឆ្នាំ២០២៥ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៤ រួមជាមួយ ឯកឧត្ដម អុឹម ស៊ីថុល រដ្ឋលេខាធិការប្រចាំការ ក្រសួង កសិកម្ម រុក្ខាប្រមាញ និងនេសាទ ឯកឧត្ដម អ៊ុង សំអាត ឯកឧត្ដម កែវ អូម៉ាលីស្ស រដ្ឋលេខាធិការ ឯកឧត្ដម វ៉ា ពិសី អនុរដ្ឋលេខាធិការ ឯកឧត្ដមឧត្ដមសេនីយ៍ទោ សិទ្ធ ឡោះ ស្នងការនគរបាលខេត្ត បានដឹកនាំប្រជុំ ត្រួតពិនិត្យរបាយការណ៍ ស្ដីពី លទ្ធផល នៃការងារផ្ដល់សេវាជូនប្រជាពលរដ្ឋទូទាំងស្រុកស្វាយចេក ពិសេសយុទ្ធនាការត្រួតពិនិត្យ រាល់កំហុសដែលមានក្នុងអត្រានុកូលដ្ឋាន ជូនបងប្អូនប្រជាពលរដ្ឋកន្លងមកទូទាំងស្រុក ដើម្បីបូកសរុប និងសម្របសម្រួលទៅស្ថាប័នមានសមត្ថកិច្ចក្នុងការជួយកែសម្រួលតាមនីតិវិធីត្រឹមត្រូវស្របតាមច្បាប់។ ពិធីនេះមានការចូលរួមពី ឯកឧត្ដម លោកជំទាវ ក្រុមការងារថ្នាក់ជាតិមកពីក្រសួងកសិកម្ម រុក្ខាប្រមាញ និង នេសាទ លោក លោកស្រី ស្នងការរង ក្រុមប្រឹក្សាស្រុក គណៈអភិបាលស្រុក ប្រធានការិយាល័យនានាចំណុះរដ្ឋបាលស្រុក ក្រុមប្រឹក្សាគ្រប់ឃុំទាំងអស់ក្នុងស្រុក មេបុស្តិ៍គ្រប់ឃុំក្នុងស្រុក ស្ថិតនៅអគារបច្ចេកទេស វិទ្យាល័យ ស្វាយចេក ស្រុកស្វាយចេក ខេត្តបន្ទាយមានជ័យ ។
