ឯកឧត្តម ឈួន ឡេង អញ្ជើញទទួលបដិសណ្ឋារកិច្ចស្វាគមន៍គណៈប្រតិភូសភាប្រឹក្សានយោបាយប្រជាជនចិន
នាព្រឹកថ្ងៃចន្ទ ទី៣ ខែវិច្ឆិកា ឆ្នាំ២០២៥ វេលាម៉ោង ១១:១០ នាទី នៅអាកាសយានដ្ឋានអន្តរជាតិតេជោ ឯកឧត្តម ឈួន ឡេង អនុប្រធានគណៈកម្មការទី២ព្រឹទ្ធសភា បានអញ្ជើញទទួលបដិសណ្ឋារកិច្ចស្វាគមន៍យ៉ាងកក់ក្តៅចំពោះគណៈប្រតិភូដឹកនាំដោយឯកឧត្តម វ៉ាង គួរសឹង (Wang Guosheng) សមាជិកគណៈកម្មាធិការអចិន្ត្រៃយ៍ និងជា ប្រធានគណៈកម្មាធិការទទួលបន្ទុកកិច្ចការ សេដ្ឋកិច្ច នៃសភាប្រឹក្សានយោបាយប្រជាជនចិន CPPCC ដែលបានអញ្ជើញបំពេញទស្សនកិច្ចនៅព្រះរាជាណាចក្រកម្ពុជា ចាប់ពីថ្ងៃទី៣ ដល់ថ្ងៃទី៥ ខែវិច្ឆិកា ឆ្នាំ២០២៥។
ក្នុងដំណើរទស្សនកិច្ចនេះ គណៈប្រតិភូគ្រោងនឹងជួបពិភាក្សាការងារជាមួយឯកឧត្តម អ៊ុច បូររិទ្ធ អនុប្រធានទី១ព្រឹទ្ធសភា និងគណៈកម្មការទី២ព្រឹទ្ធសភា ព្រមទាំងអញ្ជើញទស្សនកិច្ចតំបន់សេដ្ឋកិច្ចពិសេសក្រុងព្រះសីហនុ និងតំបន់ផ្សារពាណិជ្ជកម្មចិន ស្រុកស្ទឹងហាវ ខេត្តព្រះសីហនុ…។
ប្រភព៖ នាយកដ្ឋានព័ត៌មាន
