ក្រុមសមាជិកាព្រឹទ្ធសភា ដឹកនាំដោយលោកជំទាវ មាន សំអាន ប្រធានក្រុម អមដំណើរដោយលោកជំទាវ សួស សារ៉ាម លោកជំទាវ ចឹក ហេង សមាជិកក្រុម បានអញ្ជើញចុះជួបសំណេះសំណាលជាមួយលោកស្រី នេត ឆាយា ចៅសង្កាត់សុខដុម និងតំណាងសហគមន៍មនុស្សចាស់ ក្នុងឱកាសចុះ
បំពេញបេសកកម្មជួបប្រជុំជាមួយក្រុមប្រឹក្សាឃុំសង្កាត់ជាស្ត្រីក្នុងខេត្តមណ្ឌលគិរី។
ក្នុងឱកាសនោះ លោកជំទាវ បានមានប្រសាសន៍ថា រដ្ឋបាលថ្នាក់ក្រោមជាតិត្រូវបន្តផ្តល់ការអន្តរាគមន៍ជំរុញសកម្មភាពបង្កើតសមាគមមនុស្សចាស់បន្ថែមទៀតនៅតាមសហគមន៍មូលដ្ឋានឱ្យបានទូទាំងព្រះរាជាណាចក្រកម្ពុជា ស្របតាមផែនការដែលបានកំណត់ ឈរលើស្មារតីសាមគ្គីភាពជួយគ្នាទៅវិញទៅមករវាងមនុស្សវ័យចាស់ទូទៅ»។ នេះជាការលើកឡើងរបស់សម្តេចបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ដោយជំរុញឱ្យមានការផ្សព្វផ្សាយទូលំទូលាយពីសារៈសំខាន់នៃគោលនយោបាយជាតិស្តីពីមនុស្សវ័យចាស់២០១៧-២០៣០។
ក្រុមសមាជិកាព្រឹទ្ធសភា បាននាំយកភួយ ក្រមា ប្រអប់ដាក់អាហារ និងឧបត្ថម្ភទឹកប្រាក់ដល់សហគមន៍មនុស្សចាស់៥០ម៉ឺនរៀល សាលាសង្កាត់ ២០ម៉ឺនរៀល និងសមាជិកសហគមន៍៤នាក់ ក្នុងម្នាក់១០ម៉ឺនរៀល។
កិច្ចសំណេះសំណាលខាងលើនេះ ប្រព្រឹត្តទៅនៅសាលាសង្កាត់សុខដុម ក្រុងសែនមនោរម្យ ខេត្តមណ្ឌលគិរី នាល្ងាចថ្ងៃពុធ ៩រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១១ ខែកុម្ភៈ ឆ្នាំ២០២៦។
ប្រភព៖ នាយកដ្ឋានព័ត៌មាន
