នាព្រឹកថ្ងៃទី១២ ខែធ្នូ ឆ្នាំ២០២២ វេលាម៉ោង ៨:៣០នាទី ឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា និងឯកឧត្តមសាស្រ្តាចារ្យ Woothisran Tanchai អគ្គលេខាធិការវិទ្យាស្ថាន KPI បានអញ្ជើញចុះហត្ថលេខាលើអនុស្សរណៈយោគយល់គ្នា(MOU) ស្តីពីកម្មវិធីសហប្រតិបត្តិការរវាងអគ្គលេខាធិការដ្ឋានព្រឹទ្ធសភាកម្ពុជា ជាមួយវិទ្យាស្ថានស្រាវជ្រាវ KPI (KING PRAJADHIPOK INSTITUTION) នៃព្រះរាជាណាចក្រថៃ នៅសាលប្រជុំពិសេសបី វិមានព្រឹទ្ធសភា។
ការចុះអនុស្សរណៈយោគយល់គ្នានេះ មានគោលបំណងបង្កើតឱ្យមានកិច្ចសហប្រតិបត្តិការផ្លាស់ប្ដូរបទពិសោធន៍លើការងារស្រាវជ្រាវរវាងវិទ្យាស្ថាន KPI និងអគ្គលេខាធិការដ្ឋានព្រឹទ្ធសភា មានរយៈពេល៣ឆ្នាំ (២០២២-២០២៥) ដើម្បីលើកកម្ពស់សេវាស្រាវជ្រាវរបស់ស្ថាប័នទាំងពីរឱ្យកាន់តែមានគុណភាពខ្ពស់ថែមទៀត…៕

ប្រភព៖នាយកដ្ឋានព័ត៌មាន