នាថ្ងៃទី១២ ខែមីនា ឆ្នាំ២០២៣ នៅទីក្រុងម៉ាណាម៉ា ព្រះរាជាណាចក្របារ៉ែន តបតាមការអញ្ជើញរបស់ឯកឧត្តម El Khadi Najib ប្រធានសមាគមអគ្គលេខាធិការសភាពិភពលោក (ASGP) ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញចូលរួមកិច្ចប្រជុំសមាគមអគ្គលេខាធិការសភាពិភពលោក (ASGP)។ កិច្ចប្រជុំ ASGP គឺជាកិច្ចប្រជុំស្របពេលនឹងមហាសន្និបាតសហភាពអន្តរសភា (IPU ) ដែលផ្តល់វេទិកាជូនអគ្គលេខាធិការសភាពិភពលោកជួបពិភាក្សា និងផ្លាស់ប្តូរបទពិសោធន៍ពាក់ព័ន្ធនឹងការផ្តល់សេវាសភា ការពង្រឹងសមត្ថភាពសភា លើកកម្ពស់ និងអភិវឌ្ឍធនធានមនុស្ស។