ឯកឧត្តម ម៉ាន់ ឈឿន អនុប្រធានគណៈកម្មការទី៧ បានបន្តអញ្ជើញចូលរួមសិក្ខាសាលាសមាជិកសភា ស្តីពី “អភិបាលកិច្ចតាមប្រព័ន្ធឌីជីថល និងការគ្រប់គ្រងប្រព័ន្ធអ៊ីនធឺណែត”
នៅព្រឹកថ្ងៃសុក្រ ទី៩ ខែមិថុនា ឆ្នាំ២០២៣ វេលាម៉ោង ០៩:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ នៃព្រឹទ្ធសភា និងជាប្រធានគណៈកម្មការអប់រំ ទំនាក់ទំនង និងកិច្ចការវប្បធម៌ នៃក្រុមសភាជាតិកម្ពុជា-APF បានបន្តអញ្ជើញចូលរួមសិក្ខាសាលាសមាជិកសភា ស្តីពី “អភិបាលកិច្ចតាមប្រព័ន្ធឌីជីថល និងការគ្រប់គ្រងប្រព័ន្ធអ៊ីនធឺណែត៖ រវាងបូរណភាពជាតិ និងសកលភាវូបនីយកម្ម ដែលបានលើកឡើង អភិបាលកិច្ចឌីជីថល: តើសភាមានតួនាទីអ្វីខ្លះ? និងការចែករម្លែកបទពិសោធន៍ស្តីពី ការអនុវត្តជាក់ស្តែងពាក់ព័ន្ធនឹងអធិបតេយ្យជាតិ និងសកលភាវូបនីយកម្ម។
