ប្រតិភូព្រឹទ្ធសភានៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលសភា CLV លើកទី១ នៅទីក្រុងវៀងច័ន្ទន៍ សាធារណរដ្ឋប្រជាធិបតេយ្យប្រជាមានិតឡាវ
នារសៀលថ្ងៃទី០៣ ខែធ្នូ ឆ្នាំ២០២៣ នៅអាកាសយាន្តដ្ឋានអន្តរជាតិភ្នំពេញ ប្រតិភូព្រឹទ្ធសភានៃព្រះរាជាណាចក្រកម្ពុជា ដឹកនាំដោយឯកឧត្តម សុខ ឥសាន ប្រធានគណៈកម្មការមហាផ្ទៃ ការពារជាតិ ទំនាក់ទំនងរដ្ឋសភា ព្រឹទ្ធសភា អធិការកិច្ច និងមុខងារសាធារណៈ (គណៈកម្មការទី៤) ព្រឹទ្ធសភា និងជាសមាជិកក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយអន្តរសភាកម្ពុជា-ឡាវ-វៀតណាម (CLV) អមដំណេីរដោយឯកឧត្តម ឈួន ឡេង អនុប្រធានគណៈកម្មការទី២ និងលោកជំទាវ ឃួន ឃុនឌី សមាជិកាគណៈកម្មការទី៥ អញ្ជើញចូលរួមកិច្ចប្រជុំកំពូលសភា CLV លើកទី១ នៅទីក្រុងវៀងច័ន្ទន៍ សាធារណរដ្ឋប្រជាធិបតេយ្យប្រជាមានិតឡាវ ដែលនឹងប្រព្រឹត្តទៅចាប់ពីថ្ងៃទី០៤ ដល់ថ្ងៃទី ០៧ ខែធ្នូ ឆ្នាំ២០២៣។ កិច្ចប្រជុំកំពូលសភា លើកទី១ នឹងប្រព្រឹត្តទៅក្រោមប្រធានបទ ”ការពង្រឹងតួនាទីរបស់សភាក្នុងការជម្រុញកិច្ចសហប្រតិបត្តិការលើគ្រប់វិស័យរវាងកម្ពុជា-ឡាវ-វៀតណាម” ។
