នៅថ្ងៃសៅរ៍ ៧កើត ខែចេត្រ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៩ ខែមីនា ឆ្នាំ២០២២ លោកជំទាវ អ៊ុ សំ ស៊ឹម កា តំណាងដ៏ខ្ពង់ខ្ពស់របស់ ឯកឧត្តមកិត្តិនីតិកោសលបណ្ឌិតអនុប្រធានទី១ ព្រឹទ្ធសភា រួមនិងមន្រ្តីខុទ្ទកាល័យ បានអញ្ជើញនាំយកទេយ្យវត្ថុ គ្រឿងឧបភោគ បរិភោគ រួមនិងបច្ច័យមួយចំនួនរបស់ឯកឧត្តមកិត្តិនីតិកោសលបណ្ឌិតអនុប្រធានទី១ ព្រឹទ្ធសភា និងលោកជំទាវ ទៅវេរប្រគេនជូនព្រះសង្ឃសម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរ នៅ វត្តទេពនិម្មិត ហៅវត្តអញ្ចាញ ស្ថិតនៅឃុំក្របៅ ស្រុកកំចាយមារ និងវត្តពង្ររង្សី ហៅវត្តជ្រៃម្រាក់ ស្ថិតនៅឃុំគោកគង់កើត ស្រុកកញ្ច្រៀច ខេត្តព្រៃវែង និងដើម្បីឧទ្ទិសកុសលជូនដល់បុព្វការីជន បន្ទាប់មកលោកជំទាវ បានអញ្ជើញចុះពិនិត្យ ស្ថានភាពនៃការកសាងកំផែងវត្តពង្ររង្សី ហៅវត្តជ្រៃម្រាក់ផងដែរ ៕
