khmer eng
  • សភានៃព្រះរាជាណាចក្រកម្ពុជា រៀបចំពិធីអបអរសាទរទិវាសិទ្ធិមនុស្សអន្តរជាតិ១០ធ្នូ ខួបលើកទី៧៤
     
    ចែករំលែក ៖

    នាព្រឹកថ្ងៃទី០៩ ខែធ្នូ ឆ្នាំ២០២២ ព្រឹទ្ធសភា និងរដ្ឋសភានៃព្រះរាជាណាចក្រកម្ពុជា បានរៀបចំពិធីអបអរសាទរទិវាសិទ្ធិមនុស្សអន្តរជាតិ១០ធ្នូ ខួបលើកទី៧៤ ឆ្នាំ២០២២ ក្រោមប្រធានបទ “ខួបលើកទី៧៥ នៃសេចក្តីប្រកាសជាសកលស្តីពីសិទ្ធិមនុស្ស” ក្រោមអធិបតីភាពឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១រដ្ឋសភា នៅសាលសិក្ខាសាលាបណ្ណាល័យព្រឹទ្ធសភា។
    អង្គពិធីនេះត្រូវបានរៀបចំឡើងដោយគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃព្រឹទ្ធសភា (គណៈកម្មការទី១) សហការជាមួយគណៈកម្មការទី១ នៃរដ្ឋសភាអង្គការការីតាសកម្ពុជា និងក្រុមហ៊ុនសាប៊ូក្លិន ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកា ព្រឹទ្ធសភា-រដ្ឋសភា ថ្នាក់ដឹកនាំ និងមន្ត្រីរាជការ នៃអគ្គលេខាធិការដ្ឋានព្រឹទ្ធសភា-រដ្ឋសភា ក្រុមមេធាវីរាជរដ្ឋាភិបាល ក្រុមមេធាវីស្ម័គ្រចិត្តសម្តេចតេជោសែន គណៈមេធាវី សមាជិកក្រុមប្រឹក្សាធម្មនុញ្ញ តំណាងក្រសួង ស្ថាប័នពាក់ព័ន្ធ តំណាងអង្គទូតនានា ក្រុមប្រឹក្សាសង្កាត់ទន្លេបាសាក់ អង្គការដៃគូ អង្គការការីតាសកម្ពុជា ក្រុមហ៊ុនសាប៊ូក្លិន ក្រុមហ៊ុនសហការ ក្មួយៗកុមារកំព្រា កុមារពិការ ស្ត្រីងាយរងគ្រោះ និងអង្គការផ្ទះបាយកុមារ។
    អង្គពិធីប្រព្រឹត្តទៅតាមកម្មវិធីដូចខាងក្រោម៖
    ១ការឡើងថ្លែងបុព្វកថារដ្ឋធម្មនុញ្ញដោយលោកជំទាវ ស្រី គឹមឆយ សមាជិកា គណៈកម្មការទី១ នៃរដ្ឋសភា
    ២-ទស្សនារបាំជូនពរសម្ដែងដោយក្រុមកុមារកំព្រា ពិការ នៃអង្គការការីតាសកម្ពុជា។
    ៣-ការឡើងថ្លែងសុន្ទរកថាស្វាគមន៍របស់ ឯកឧត្តម យ៉ង់ សែម ប្រធានគណៈកម្មការទី១ព្រឹទ្ធសភា។
    ៤-ការឡើងថ្លែងសុន្ទរកថារបស់ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា និងជាប្រធានគណៈអធិបតី។
    ៥-ទស្សនារបាំសម្ដែងដោយក្រុមជនជាតិដើមភាគតិច(របាំសាមគ្គី)។
    ៦-ការឡើងចំណាប់អារម្មណ៍របស់តំណាងអង្គពិធី តំណាងស្ត្រី ១រូប និងតំណាងកុមារ ១រូប។
    ៨-ទស្សនារបាំសម្តែងដោយក្រុមជនជាតិដើមភាគតិច(របាំដាំស្រូវ)។
    ៩-ពិធីជូនប័ណ្ណថ្លែងអំណរគុណនិងជូនវត្ថុអនុស្សាវរីយ៍ដល់អង្គការដៃគូ សប្បុរសជនដែលចូលរួមឧបត្ថម្ភ និងពិធីចែកអំណោយដល់តំណាងក្រុមកុមារពិការ កុមារកំព្រា តំណាងស្ត្រី ក្រុមសិល្បៈ តំណាងជនជាតិដើមភាគតិច៕

    ប្រភព៖នាយកដ្ឋានព័ត៌មាន


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ម៉ាន់ ឈឿន បានអញ្ជើញចុះជួបផ្ទាល់ជាមួយលោកតា លោកយាយ ជនពិការ និងប្រជាពលរដ្ឋចំនួន២០គ្រួសារ នៅខណ្ឌទួលគោក រាជធានីភ្នំពេញ
    thumbnail
     
    គណៈប្រតិភូគណៈកម្មការទី៨ព្រឹទ្ធសភា អញ្ជើញជួបសំណេះសំណាលជាមួយក្រុមប្រឹក្សាសង្កាត់ អ្នកគ្រប់គ្រង និងជនចាស់ជរានៃសមាគមមនុស្សចាស់ នៅសាលាសង្កាត់សាមគ្គី
    thumbnail
     
    ឯកឧត្តម អ៊ុច បូររិទ្ធ អញ្ជើញជាអធិបតីក្នុងពីធីចុះអនុស្សរណៈនៃការយោគយល់រវាង គណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា ជាមួយក្រុមមេធាវីស្ម័គ្រចិត្តសម្តេចតេជោសែន
    thumbnail
     
    គណៈប្រតិភូគណៈកម្មការទី៩ព្រឹទ្ធសភា អញ្ជើញជួបពិភាក្សាការងារជាមួយថ្នាក់ដឹកនាំក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍
    thumbnail
     
    គណៈប្រតិភូគណៈកម្មការទី៨ព្រឹទ្ធសភា អញ្ជើញឈ្វេងយល់ និងប្រមូលព័ត៌មានអំពីការផ្សព្វផ្សាយ និងការអនុវត្តច្បាប់ពាក់ព័ន្ធនឹងវិស័យជាសមត្ថកិច្ចរបស់គណៈកម្មការ នៅខេត្តស្ទឹងត្រែង