ថ្ងៃទី៤ ខែកុម្ភៈ ឆ្នាំ២០២៣ វេលាម៉ោង១៥:០០នាទី ឯកឧត្តម ម៉ាន់ ឈឿន អបុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំជាមួយមេភូមិទាំង១៣ និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីស្តាប់របាយការណ៍ ស្តីពីលទ្ធផលការងារសម្រេចបានក្នុងខែមករា និងទិសដៅការងារខែកុម្ភៈ ឆ្នាំ២០២៣ រួមមានការអនុវត្តគោលនយោបាយភូមិសង្កាត់មានសុវត្ថិភាព ពិសេសការខិតខំផ្តល់អត្តសញ្ញាណ័ណ្ណជូនបងប្អូនប្រជាពលរដ្ឋ
ឲ្យបានទាន់ពេល ស្របតាមការណែនាំរបស់ក្រសួងមហាផ្ទៃ ហើយក៏បានឧបត្ថម្ភថវិកាជួយថែទាំការពារសុខភាពមនុស្សចាស់ប្រចាំខែកុម្ភៈ និងសំណូមពរសូមបន្តអនុវត្តជាប់ជាប្រចាំការរៀនរស់នៅក្នុងប្រក្រតីភាពថ្មីជាមួយកូវីដ-១៩ ឲ្យបានគ្រប់ៗគ្នា។
