រយៈពេលពេញមួយថ្ងៃទី១៧ ខែមីនា ឆ្នាំ២០២៣ នៅបរិវេណខាងជើងក្លោងទ្វារវត្តប្រិយ៍ ស្ថិតក្នុងឃុំរលួស ស្រុកស្វាយចេក ខេត្តបន្ទាយមានជ័យ ឯកឧត្ដម ឈើយ ចាន់ណា លេខាធិការគណៈកម្មការទី៧ព្រឹទ្ឌសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមជាអធិបតីក្នុងកម្មវិធី ល្អមែន CARAVAN របស់ក្រុមហ៊ុនលក់ម៉ូតូហុងដា សាខាខេត្តបន្ទាយមានជ័យ ដែលអមដំណើរ លោក លឿង សុភក្តិ អភិបាលស្រុក លោក ឡៅ ជីងហួរ ម្ចាស់ក្រុមហ៊ុនលក់ម៉ូតូ ហុងដា សាខាខេត្តបន្ទាយមានជ័យ។ ក្នុងកម្មវិធីល្អមែន ក៏មានការចូលរួមពីបងប្អូនប្រជាពលរដ្ឋ សិស្សានុសិស្សផងដែរ។ កម្មវិធីនេះបងប្អូនគ្រាន់តែចុះឈ្មោះនឹងទទួលបានប័ណ្ណចាប់រង្វាន់ ចូលរួមកម្សាន្តបើកបរម៉ូតូ Dream 2023 ការឆ្លើយសំនួរទទួលបានរង្វាន់ ការថតរូបកម្សាន្តជាមួយម៉ូតូ Dream 2023 ការញុំអាហារសម្រន់ដោយឥតគិតថ្លៃ ការលេងល្បែងកម្សាន្តបោះបាល់ និងការប្ដូរប្រេងម៉ាស៊ីនម៉ូតូដោយឥតគិតថ្លៃ។ ជាមួយគ្នានេះលោក ឡៅ ជីងហួរ បានជូនមួកសុវត្ថិភាពដល់សមត្ថកិច្ច ចំនួន១០ មួកផងដែរ។
