អ.ពស ប្រជុំបូកសរុបលទ្ធផលការងារប្រចាំខែមេសា និងទិសដៅការងារខែឧសភា ឆ្នាំ២០២៣
នាព្រឹកថ្ងៃទី០៣ ខែឧសភា ឆ្នាំ២០២៣ អគ្គលេខាធិការដ្ឋានព្រឹទ្ធសភា (អ.ពស) បានប្រជុំបូកសរុបលទ្ធផលការងារប្រចាំខែមេសា និងលើកទិសដៅការងារសម្រាប់ខែឧសភា ឆ្នាំ២០២៣ ក្រោមអធិបតីភាពឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា នៅសាលសិក្ខាសាលាបណ្ណាល័យព្រឹទ្ធសភា ដោយមានការអញ្ជើញចូលរួមពីថ្នាក់ដឹកនាំអង្គភាពចំណុះអគ្គលេខាធិការដ្ឋានព្រឹទ្ធសភា ចាប់ពីអនុប្រធាននាយកដ្ឋានឡើង។
បន្ទាប់ពីការទស្សនាការបញ្ចាំងវីដេអូបូកសរុបលទ្ធផលការងាររបស់ អ.ពស ប្រចាំខែមេសា ឆ្នាំ២០២៣រួចមក ឯកឧត្តម អ៊ុ សារឹទ្ធ បានជម្រាបជូនអង្គប្រជុំអំពីសភាពការណ៍អន្តរជាតិ តំបន់ និងសភាពការណ៍ជាតិ និងបូកសរុបលទ្ធផល ព្រមទាំងទិសដៅការងារសម្រាប់អនុវត្តបន្ត។
ប្រភព៖ នាយកដ្ឋានព័ត៌មាន
