khmer eng
  • ក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញជួបសំណេះសំណាលជាមួយអាជ្ញាធរស្រុកកញ្ជ្រៀច ខេត្តព្រៃវែង
     
    ចែករំលែក ៖

    ព្រឹកថ្ងៃទី០៣ ខែឧសភា ឆ្នាំ២០២៣ ឯកឧត្តម ទឹម ផន លេខាធិការគណៈកម្មការទី៩ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញជួបសំណេះសំណាលជាមួយអាជ្ញាធរស្រុកកញ្ជ្រៀច ខេត្តព្រៃវែង ដែលមានការចូលរួមពីប្រធានក្រុមប្រឹក្សាស្រុក លោកអភិបាលស្រុក អភិបាលរង និងលោកមេឃុំទាំង៨។ ក្នុងឱកាសនោះឯកឧត្តមបានថ្លែងកោតសរសើរ និងផ្តល់ការលើកទឹកចិត្តដល់អាជ្ញាធរស្រុក លោកមេឃុំទាំង៨ រាល់បញ្ហាប្រឈមនិងឧបសគ្គទាំងឡាយ ដែលបានកើតមានដើម្បីធ្វើឱ្យមូលដ្ឋានមានការអភិវឌ្ឍកាន់តែល្អប្រសើរជាងនេះថែមទៀត ជាពិសេសបានសំណូមពរដល់លោកមេឃុំ ស្មៀនឃុំ មេភូមិ ពេទ្យមណ្ឌលសុខភាព និងមន្ត្រីមូលដ្ឋានគ្រប់ឃុំ ចំពោះការធ្វើសំបុត្រកំណើត ប្រសិនបើដឹងថាប្រជាពលរដ្ឋណាខ្លះ ត្រូវសម្រាលបុត្រ គឺត្រូវចុះទៅដល់មណ្ឌលសុខភាព ហើយរៀបចំធ្វើសំបុត្របញ្ជាក់កំណើតជូនគាត់ភ្លាម។ ត្រង់ចំណុចនេះត្រូវសហការគ្នារវាងមន្ត្រីឃុំ និងមន្ត្រីសុខាភិបាលឃុំ ចំពោះការធ្វើលិខិតមរណៈភាពវិញ ក៍ត្រូវចុះទៅដល់ខ្នងផ្ទះដែលមានអ្នកទទួលមរណៈភាព ដើម្បីធ្វើលិខិតមរណៈភាពជូនគ្រួសារនៃសពនោះ ពោលគឺមិនចាំបាច់ឱ្យពួកគាត់មកធ្វើនៅសាលាឃុំឡើយ។ សំបុត្រដែលចាំបាច់ ទាំងពីរប្រភេទនេះ នៅពេលធ្វើបានហើយ យើងមិនគួរឱ្យប្រជាពលរដ្ឋ ទៅទទួលដល់សាលាឃុំនោះទេគឺមន្ត្រីឃុំត្រូវយកទៅប្រគល់ជូនប្រជាពលរដ្ឋសាម៉ីផ្ទាល់ដៃ ឬដល់ខ្នងផ្ទះតែម្តង។ ការងារនេះចាប់អនុវត្តន៍ឱ្យបានព្រមគ្នា ដែលជាការយកចិត្តទុកដាក់បម្រើសេវាសាធារណៈជូនប្រជាពលរដ្ឋឱ្យបានល្អនិងកុំឱ្យប្រជាពលរដ្ឋមានការអាក់អន់ចិត្ត។ បន្ទាប់មកឯកឧត្តមបាននាំយកនូវឧបករណ៍តេស្តដែលជាអំណោយរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ជូនអាជ្ញាធរស្រុក ១កេះ ឃុំទាំង៨ ក្នុង១ឃុំ ៥ប្រអប់ និងមណ្ឌលសុខភាពទាំង៨ ក្នុង១មណ្ឌល ៥ប្រអប់ និងថវិការមួយចំនួនផងដែរ។


    អត្ថបទពាក់ព័ន្ធ
       អត្ថបទថ្មី
    thumbnail
     
    សម្តេចតេជោ ហ៊ុន សែន អនុញ្ញាតឱ្យប្រធានក្រុមអន្តរសភាមិត្តភាពបារាំង-កម្ពុជា ចូលជួបសម្តែងការគួរសម និងពិភាក្សាការងារ
    thumbnail
     
    ឯកឧត្តម លី សារី សមាជិកគណៈកម្មការទី១ព្រឹទ្ធភា និងជាសមាជិកក្រុមសមាជិកព្រឹទ្ធសភាភូមិភូមិទី៥ បានចុះជួបសំណេះសំណាលជាមួយប្រជាពលរដ្ឋ នៅភូមិព្រៃខ្នង ឃុំព្រែខ្នង ស្រុកទឹកឈូ ខេត្តកំពត
    thumbnail
     
    ឯកឧត្តមបណ្ឌិត ចែម វីឌ្យ៉ា ដឹកនាំកិច្ចប្រជុំផ្ទៃក្នុងគណៈកម្មការទី៥ព្រឹទ្ធសភា
    thumbnail
     
    ឯកឧត្តម ជឹម លាវ បានរៀបចំកិច្ចប្រជុំមន្ត្រីជំនួយការគណៈកម្មការទី១ ដើម្បីត្រៀមរៀបចំកិច្ចប្រជុំផ្ទៃក្នុងគណៈកម្មការដែលគ្រោងនឹងប្រព្រឹត្តទៅនៅថ្ងៃទី២១ ខែឧសភា ឆ្នាំ២០២៤
    thumbnail
     
    ឯកឧត្តមបណ្ឌិត ធន់ វឌ្ឍនា ដឹកនាំកិច្ចប្រជុំផ្ទៃក្នុងគណៈកម្មការទី២ព្រឹទ្ធសភា