ឯកឧត្ដម ឈើយ ចាន់ណា ជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមពិធីសំណេះសំណាលជាមួយក្រុមប្រឹក្សាស្រុក ក្រុមប្រឹក្សាឃុំ សរុបចំនួន៣៤នាក់ ស្រី២នាក់
![](https://senate.gov.kh/wp-content/uploads/2023/05/P4_2023-05-14_5-1.jpg)
ស្ថិតនៅសាលប្រជុំសាលាស្រុកស្វាយចេក ខេត្តបន្ទាយមានជ័យ នាព្រឹកថ្ងៃសៅរ៍ ទី១៣ ខែឧសភា ឆ្នាំ២០២៣ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ឌសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយ លោក វង្ស វិត ស្នងការរងនគរបាលខេត្ត លោក លឿង សុភក្តិ អភិបាលស្រុក និងលោក ដា ទឹង ប្រធានក្រុមប្រឹក្សាស្រុកស្វាយចេក បានអញ្ជើញចូលរួមពិធីសំណេះសំណាលជាមួយក្រុមប្រឹក្សាស្រុក ក្រុមប្រឹក្សាឃុំ សរុបចំនួន៣៤នាក់ ស្រី២នាក់។ ថ្លែងក្នុងឱកាសនោះ ឯកឧត្តម បានសម្តែងការកោតសរសើរដល់អាជ្ញាធរគ្រប់លំដាប់ថ្នាក់ ដែលបានរួបរួមគ្នាអភិវឌ្ឍន៍មូលដ្ឋាន ការផ្តល់សេវាជូនប្រជាពលរដ្ឋបានទាន់ពេលវេលា រក្សាបានល្អសន្តិសុខ សណ្តាប់ធ្នាប់សាធារណៈ ពិសេសការអនុវត្តគោលនយោបាយភូមិ ឃុំ មានសុវត្ថិភាព ខិតខំដោះស្រាយបញ្ហាប្រឈមនានា។ សំណូមពរ អនុវត្តឱ្យបានជោគជ័យនូវផែនការរួមឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣៕