បន្ទាយមានជ័យ នៅព្រឹកថ្ងៃព្រហស្បតិ៍ ៦កើត ខែចេស្ឋ ឆ្នាំថោះ បញ្វស័ក ព.ស.២៥៦៧ ត្រូវនឹងថ្ងៃទី២៥ ខែឧសភា ឆ្នាំ២០២៣ ស្ថិតនៅសាលាស្រុកស្វាយចេក មានរៀបចំកិច្ចប្រជុំជាមួយគណៈអភិបាល ក្រុមប្រឹក្សាស្រុក ឃុំ និងមេភូមិ ស្ដីពីការត្រួតពិនិត្យផែនការឆ្ពោះទៅកាន់ការបោះឆ្នោតជ្រើសរើសតំណាងរាស្រ្ត នីតិកាលទី៧ ឆ្នាំ២០២៣ ក្រោមអធិបតីភាព ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម សិទ្ធិ ឡោះ ស្នងការនគរបាលខេត្តបន្ទាយមានជ័យ និងលោក លឿង សុភក្ដិ អភិបាលស្រុក។ សូមជម្រាបជូនថា សមាសភាពចូលរួមនាឱកាសនោះ មានចំនួនសរុប៩០នាក់ ដោយម្នាក់ៗទទួលបានការឧបត្ថម្ភថវិកា ចំនួន២ម៉ឺនរៀល ជាអំណោយដ៍ថ្លៃថ្លារបស់ឯកឧត្តម ឧបនាយករដ្ឋមន្ត្រី កែ គឹមយ៉ាន។
