នៅព្រឹកថ្ងៃទី១១ ខែមិថុនា ឆ្នាំ២០២៣ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ លោក ចាប សុផារិទ្ធ ស្នងការរងនគរបាលខេត្ត លោក ដា ទឹង ប្រធានក្រុមប្រឹក្សាស្រុក លោក លឿង សុភក្តិ អភិបាលស្រុក បានអញ្ជើញជួបសំណេះសំណាលជាមួយ លោកនាយកវិទ្យាល័យផ្គាំ នាយកកម្រង នាយកសាលាបឋមសិក្សាទាំងអស់ក្នុងឃុំ ផ្គាំ ស្រុកស្វាយចេក ខេត្តបន្ទាយមានជ័យ ដើម្បីស្ដាប់នូវរាល់បញ្ហាប្រឈម តម្រូវការ និងបានឆ្លើយតមដោះស្រាយបញ្ហាប្រឈមនានាមួយចំនួនតាមសំណូមពរ និងពន្យល់ណែនាំ ស្ដីពីការងារត្រៀមលក្ខណៈឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ត នីតិកាលទី៧។ នាឱកាសនោះ ឯកឧត្តម និងសហការី បានឧបត្ថម្ភលូដែលមានមុខកាត់ ១ម៉ែត្រ ចំនួន០៩កង់ ដើម្បីរំដោះទឹកចេញពីភូមិនៅរដូវវស្សាខាងមុខ និងបានឧបត្ថម្ភអាហារសាមគ្គីផងដែរ។
