ឯកឧត្តម ម៉ាន់ ឈឿន បន្តផ្សព្វផ្សាយខ្លឹមសារអនុសំវច្ចរៈលើកទី៣០ និងសេចក្តីសម្រេចសន្និបាតសង្ឃ រាជធានីភ្នំពេញ នៅវត្តនាគវន្ត
ថ្ងៃព្រហស្បត៍ ទី១៥ ខែមិថុនា ឆ្នាំ២០២៣ វេលាម៉ោង១៤:២០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមជាមួយលោកជំទាវ ទូច សារ៉ុម រដ្ឋលេខាធិការ ក្រសួងធម្មការ និងសាសនា ដើម្បីថ្វាយបង្គំព្រះចៅអធិការវត្តនាគវន្តខណ្ឌទួលគោក រាជធានីភ្នំពេញ បន្តផ្សព្វផ្សាយខ្លឹមសារអនុសំវច្ចរៈលើកទី៣០ និងសេចក្តីសម្រេចសន្និបាតសង្ឃ រាជធានីភ្នំពេញ ដោយផ្តោតជាអាទិភាពលើការគោរពវិន័យព្រះធម៌ ការរួមគ្នាការពារភាពសុខសន្តិភាព សណ្តាប់ធ្នាប់ អនាម័យ និងបរិស្ថាន នៅគ្រប់វត្តអារាមក្នុងមូលដ្ឋាន។
