ឯកឧត្តម ម៉ាន់ ឈឿន បានអញ្ជើញចុះជួបសំណេះសំណាលជាមួយសមាគមមនុស្សចាស់ នៅសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ
ថ្ងៃព្រហស្បតិ៍ ២រោច ខែទុតិយាសាឍ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៣ ខែសីហា ឆ្នាំ២០២៣ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា នឹងជាលេខាធិការក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចូលរួមជាមួយលោកប្រធាន ក្រុមប្រឹក្សាសង្កាត់ទឹកល្អក់ទី២ ចុះជួបសំណេះសំណាលជាមួយសមាគមមនុស្សចាស់ សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ ដើម្បីទទួលយកនូវសំណូមពរជាអាទិ៍ភាព ចំពោះមុខលើការងារថែទាំសុខភាព ជនចាស់ជរា នៅមូលដ្ឋាន និងពិនិត្យលទ្ធភាពរៀបចំកម្មវិធី ចុះជាក់ស្តែងតាមខ្នងផ្ទះ បានទាន់ពេលវេលា។
