ឯកឧត្តម ឡៅ ឆន បានអញ្ជើញនាំយកចង្ហាន់ ទេយ្យទានទៅប្រគេនព្រះបាឡាដសង្ឃខេត្ត ស្ថិតនៅវត្តព្រះព្រហ្មរតន៍ សង្កាត់ស្វាយដង្គំ ក្រុងសៀមរាប ខេត្តសៀមរាប
នាព្រឹកថ្ងៃព្រហស្បតិ៍ ១៥កើត ខែស្រាពណ៍ ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី៣១ ខែសីហា ឆ្នាំ២០២៣ ឯកឧត្តម ឡៅ ឆន សមាជិកគណៈគម្មការទី៧ ព្រឹទ្ធសភា នឹងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញនាំយកចង្ហាន់ ទេយ្យទាន មាន អង្ករ ៥០គ.ក្រ ទឹកត្រី មួយយួរ ទឹកស៊ីអ៊ីវមួយយួរ ទឹកសុទ្ធមួយកេះ និងប៊ីចេង មួយគ.ក្រ ស្កសរ និងគ្រឿងទេស ព្រមទាំងថវិកាមួយចំនួន ទៅប្រគេនព្រះបាឡាដសង្ឃខេត្ត ជាព្រះចៅអធិការ ព្រះសង្ឃ ដែលគង់ចាំព្រះវស្សាអស់កាលត្រីមាស និងជួយផ្គត់ផ្គង់ចង្ហាន់ប្រចាំថ្ងៃ ដល់ព្រះសង្ឃដែលកំពុងគង់នៅបន្តការសិក្សា ក្នុងទីអារាមនេះចំនួន ៨០អង្គ ស្ថិតនៅវត្តព្រះព្រហ្មរតន៍ សង្កាត់ស្វាយដង្គំ ក្រុងសៀមរាប ខេត្តសៀមរាប ដើម្បីបង្សុកូល ឧទិ្ទសកុសលផលបុណ្យនេះ ជូនដល់បុព្វការីជន មានជីដូន ជីតា មាតាបិតា បងប្អូនញាតិកា ទាំងអស់ដែលបានចែកឋានទៅ និងឧទ្ទិស ជូនដល់ អស់លោក លោកស្រី អ្នកស្នេហាជាតិទាំងអស់ ដែលបានពលីជីវិត ក្នុងបុព្វហេតុ ស្នេហាជាតិ ការពារ ទឹកដី ការពារសន្តិភាព សូមអស់លោកទាំងអស់បានទៅកើតនៅឋានសុគតិភព កុំបីអាក់ខានឡើយ។
