គណៈកម្មការទី៨ ព្រឹទ្ធសភា បានប្រជុំផ្ទៃក្នុងគណៈកម្មការ ក្រោមអធិបតីភាព លោកជំទាវ មាន សំអាន ប្រធានគណៈកម្មការ
នាថ្ងៃទី១១ ខែកញ្ញា ឆ្នាំ២០២៣ វេលាម៉ោង៨:៣០នាទីព្រឹក គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃព្រឹទ្ធសភា (គណៈកម្មការទី៨) បានប្រជុំផ្ទៃក្នុងគណៈកម្មការ ក្រោមអធិបតីភាពលោកជំទាវ មាន សំអាន ប្រធានគណៈកម្មការ ដើម្បីពិនិត្យ និងពិភាក្សាលើរបៀបវារៈចំនួន៥រួមមាន៖
១.របាយការណ៍ទូទាត់ចំណូល-ចំណាយរបស់គណៈកម្មការប្រចាំត្រីមាសទី៣ ឆ្នាំ២០២៣។
២.របាយការណ៍សកម្មភាពការងាររបស់គណៈកម្មការចន្លោះសម័យប្រជុំលើកទី១០ និងលើកទី១១ ព្រឹទ្ធសភា នីតិកាលទី៤។
៣.អំពីសមិទ្ធផលរបស់គណៈកម្មការទី៨ព្រឹទ្ធសភា នីតិកាលទី៤។
៤.ខ្លឹមសារវីដេអូស្តីពី សមិទ្ធផលសំខាន់ៗរបស់គណៈកម្មការទី៨ព្រឹទ្ធសភា នីតិកាលទី៤។
៥.បញ្ហាផ្សេងៗ (ការចូលរួមមតិយោបល់របស់សមាជិក សមាជិកាអង្គប្រជុំ)៕
ប្រភព៖ នាយកដ្ឋានព័ត៌មាន
