នៅថ្ងៃអង្គារ៍ ទី១០ ខែតុលា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ទសភា ប្រចាំភូមិភាគទី៤ និងលោកជំទាវ រួមដំណើរជាមួយ លោកទឹម សារ៉ាត់ អភិបាលរងស្រុកត្រពាំងប្រាសាទ លោកស្រីមេឃុំផ្អាវ និងក្រុមប្រឹក្សាឃុំ បានអញ្ជើញចូលរួមក្នុងពិធីកាន់បិណ្ឌវេនទី១១ ជាមួយលោកយាយ លោកតា ឧបាសក ឧបាសិកាចំណុះជើងវត្តជ័យមង្គល ហៅវត្តពពេល ស្ថិតក្នុងឃុំផ្អាវ។ បន្តចូលរួមជាមួយលោកហាំង ម៉េង អភិបាលស្រុក លោក វណ្ណ កុសល ប្រធានក្រុមប្រឹក្សាស្រុក លោកអភិបាលរងស្រុក និងមន្ត្រីស្រុកចូលរួមកាន់បិណ្ឌវេនទី១១ នៅវត្តបូរីប្រាសាទជ័យ ហៅវត្តត្រពាំងប្រាសាទ ស្ថិតក្នុងឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ ដែលក្នុងវត្តទទួលបានប្រគេនទេយ្យវត្ថុ មានអង្ករ ៥០គ.ក្រ ទឹកសុទ្ធ ២កេះ មី ២កេះ ទឹកត្រី ១យួរ ទឹកស៊ីអ៊ីវ ១យួរ ប៊ីចេង ១គ.ក្រ ស្កសរ ១គ.ក្រ ខ្ទឹមស ១គ.ក្រ និងថវិកាមួយចំនួន ដល់ព្រះសង្ឃដែលគង់ចាំព្រះវស្សាអស់មួយត្រីមាស ដើម្បីទុករៀបចំធ្វើចង្ហាន់ក្នុងពេលកាន់បិណ្ឌនេះ និងដើម្បីបង្សុកូលឧទ្ទិសកុសលផលបុណ្យជូនដល់បុព្វការីជន មានជីដូន ជីតា មាតា បិតា បងប្អូនកូនចៅដែលបានចែកឋានទៅ និងសូមឧទ្ទិសដល់អស់លោក លោកស្រី វិរជន វិរនារី ដែលបានពលីជីវិតដើម្បីបុព្វហេតុការពារទឹកដី របស់ប្រទេសកម្ពុជា និងការពារសន្តិភាព សូមអស់លោកទាំងអស់បានទៅកើតនៅឋានសុគតិភព កុំបីឃ្លាងឃ្លាតឡើយ។