ថ្ងៃសៅរ៍ ទី១៤ ខែតុលា ឆ្នាំ២០២៣ វេលាម៉ោង១០:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ និងលោកជំទាវ ព្រមទាំងក្រុមគ្រួសារ បានអញ្ជើញចូលរួមថ្វាយបង្គំសម្តេចព្រះសង្ឃនាយករងទី២ សម្តេចព្រះវន្តរត្ន ណយ ច្រឹក និងជាព្រះចៅអធិកាវត្តច័ន្ទបុរីវង្ស ក្នុងវេនបុណ្យភ្ជុំបិណ្ឌជាមួយពុទ្ធបរិស័ទ្ធ និងគណៈកម្មការអាចារ្យវត្ត ស្ថិតក្នុងខណ្ឌព្រែកព្នៅ រាជធានីភ្នំពេញ ដើម្បីបានបន្តឧទ្ទិសកុសលផលបុណ្យគោរពជូនដល់អ្នកមានគុណជាបុព្វការីជន ដែលបានចាកលោកនេះទៅសូមបានទៅកាន់សុខគតិភពកុំឃ្លៀងឃ្លាតឡើយ និងសូមបួងសួងតេជបារមី វត្ថុស័ក្តិសិទ្ធ គុណបុណ្យព្រះរតនត្រ័យទិសទាំងប្រាំបី មេត្តាប្រទានពរជ័យ ជូនថ្នាក់ដឹកនាំ រាជរដ្ឋាភិបាលនិង ប្រជាជនកម្ពុជា បានសុខចម្រើនគ្រប់ប្រការជារៀងរហូត។
