ថ្ងៃពុធ ទី២៧ ខែធ្នូ ឆ្នាំ២០២៣ វេលាម៉ោង៩:០០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចូលរួមប្រជុំលើកប្រចាំខែលើកទី១៩ ជាមួយមេភូមិទាំង១៣ និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។ ប្រតិបត្តិស្របតាមបទបញ្ជាផ្ទៃក្នុងរបស់ក្រុមប្រឹក្សា អង្គប្រជុំបានឯកភាពទាំងស្រុងលើវឌ្ឍភាពការងារខែធ្នូ ឆ្នាំ២០២៣ និងទិសដៅសម្រាប់ខែមករា ឆ្នាំ២០២៤ ដោយផ្តោតអាទិភាពលើ ៖
១-ការបែងចែកកម្លាំងការពារសន្តិសុខសុវត្ថិភាពសាធារណៈ អបអរសាទរខួបទី២៥ឆ្នាំ នៃការបញ្ចប់សង្គ្រាមនៅកម្ពុជា តាមគោលនយោបាយឈ្នះ-ឈ្នះ របស់ សម្តេចតេជា ហ៊ុន សែន ឲ្យបាន ព្រមជាមួយភារកិច្ចការពារសន្តិសុខ សុវត្ថិភាព ក្នុងឱកាសបុណ្យចូលឆ្នាំសាកល ឆ្នាំ២០២៤ ជូនបងប្អូនប្រជាពលរដ្ឋនៅមូលដ្ឋាន។
២-ត្រូវបន្តយកចិត្តទុកដាក់តាមដានថែទាំសុខភាព និងជីវភាពជូនសមាជិកសមាជិកាក្រុមប្រឹក្សាសង្កាត់ក្នុងតំណែង ត្រៀមលក្ខណៈឲ្យបានគ្រប់ជ្រុងជ្រោយស្របតាមប្រតិទិនការងារសំខាន់ៗចាំបាច់ដែល គណៈកម្មការជាតិរៀបចំការបោះឆ្នោត (គជប) បានកំណត់។
